Erakunde Harremanetarako Sailburuordetzaren eginkizunen artean dago Jaurlaritzaren Kontseiluaren lanak antolatzea, EHAA argitaratzea eta Sailei laguntzea Eusko Legebiltzarrarekiko eta Arartekoarekiko harremanetan. Herritarrengandik hurbilago dagoen ikuspegi batetik, honako hauek dagozkio: herritarrentzako informazioko eta arreta orokorreko prozesu, tresna eta zerbitzu multikanalak bultzatzea eta garatzea, gardentasuna bultzatzea, eta gai publikoetan herritarren parte-hartzea sustatzea. Era berean, hari dagokio Euskal Gobernantza Publikoaren eredua diseinatzea, bai eta berrikuntza publikoa, administrazio elektronikoa eta zerbitzu digitalak bultzatzea eta garatzea ere. Sailburuordetzaren beste jarduera-eremuetako bat toki-erakundeekiko harremanekin eta toki-administrazioaren arloko jarduerekin lotuta dago, bai eta araubide orokorrari, babesletzari eta erregistroari buruzko funtzioekin ere, fundazio, elkarte eta elkargo profesionalen arloan.