Lehiaren Euskal Agintaritzaren lehendakaria naiz. Lehiaren Euskal Agintaritzari buruzko otsailaren 2ko 1/2012 Legearen bidez sortu zuen Eusko Legebiltzarrak erakunde autonomo hau. Agintaritzaren bokazioa hauxe da: euskal gizartean lehiaren kultura sortzea, gure ekonomiako balizko merkatu-akatsak aztertzea —eta horiek konpontzea, posiblea den neurrian— eta lehiaren aurkako jokabideak aurkitu eta zehatzea, enpresak eta herritarrak babesten dituzten zehapen-prozedurak irekitzearen bidez.