50 bizikletentzako edukierarekin, erabilera-arau berriek aparkaldia gehienez lau egunera mugatuko dute, errotazioa bermatzeko Aurrez pertsonalizatuta eta Euskotrenen bulegoetan erregistratuta egongo diren kontakturik gabeko Mugi, Barik edo Bat txartelen bidez sartu ahal izango da bertara Eusko Jaurlaritzako Lurralde Plangintza, Etxebizitza eta Garraio Sailak, Euskotren eta Euskal Trenbide Sarearekin batera, bizikletentzako aparkalekua irekiko du bihar, maiatzaren 4an, Irun Coloneko tren geltokian. 50 bizikletentzako edukiera izango du, eta, horrekin batera, erabilera-arau batzuk ezarriko dira, aparkalekua kontrolik gabeko bizikleta-biltegi bihur ez dadin eta zerbitzua gehiegi ez kargatzeko. Erabilera txarra eta errotazio falta izan ziren azpiegitura hori 2019ko uztailean ixteko arrazoietako bat.