Segurtasun Sailburuordetzaren ardura da EAEn polizia eta segurtasun publikoa antolatzea. Ertzaintzaren zuzeneko agintaritza dagokio, bai eta Segurtasun Sailari esleitzen zaizkion egitekoak betetzea ere honako arlo hauetan: pertsona eta ondasunen segurtasuna eta herritarren segurtasuna; udaltzaingoen koordinazioa; segurtasun pribatua; babes zibila eta larrialdiak; meteorologia; trafikoa eta bide-segurtasuna. Halaber, ausazko jokoen eta ikuskizun zein jolas-jardueren erregimena ere badagokio.