EiTBko zuzendari nagusi naizenez, Komunikazio Talde Publikoa kudeatzea eta zuzentzea da nire betebeharra. Gizartearen aurrean, EiTBren ordezkaria ere banaiz. Nire lana da EiTBren zerbitzu publiko izaera betetzea eta bere sorrerako funtsak aurrera eramatea: gizartearen parte hartzea sustatu, eta euskararen eta euskal kulturaren bultzada eta hedapena. Horrekin batera, Plan Estrategikoaren garapena nire ardurapean dago. Halaber, Administrazio Kontseiluaren eta Eusko Legebiltzarraren aurrean EiTBren kudeaketaren berri ematen dut aldiro.