Gizarte-ekonomia funtsezko habea da gure ekonomiarako, eta euskal ekoizpen-sareari nortasuna ematen dio; horren ondorioz, guri dagokigu egitura ekonomiko hori garatzen lagunduko duten ekimenak sustatzea.
Lan-ildo horretan, langileek gizarte-ekonomiako enpresetan parte har dezaten bultzatzen dugu eta enpresa-arloko gizarte-erantzukizuna zein ekonomia solidarioa ezagutarazten dugu, beste ekimen batzuen artean. Horrez gainera, ikuskapen-lana ere egiten dugu, eta zehapen-espedienteak izapidetzen ditugu kooperatiben arloan, bai eta Euskadiko Kooperatiben Erregistroa kudeatu ere.