Laneko eta Gizarte Segurantzako sailburuorde naizen aldetik, nire lanaren ardatza da gizarte-eragileekin akordioak sustatzea lanaren, lan-harremanen, laneko segurtasunaren eta osasunaren arloan, eta akordio horiek garatzen laguntzea, betiere langileak enpresen barruan ituntzea eta parte hartzea oinarri hartuta. Nire taldearen helburua lanaren antolaketa eta lan-harremanak hobetzea da, enpresen barruan produktibitatea eta lehiakortasuna handitzeko. Eta, ildo beretik, Euskadiko Elkarrizketa Sozialaren Mahaiaren lanak koordinatu eta bultzatzen ditugu.
Gizarte-ekonomia sustatzen duten jarduerak koordinatzen ere lan egiten dugu, batez ere kooperatibismoaren eta lan-sozietateen eta partaidetzako sozietateen bidez.
Era berean, Euskal Autonomia Erkidegoaren eremuan Laneko Ikuskaritza zuzentzeaz eta kudeatzeaz arduratzen gara.