Emakundeko zuzendariak, Izaskun Landaidak, indarkeria matxistaren biktima diren emakumeen arretarako baliabide eta zerbitzuen mapa geolokalizatua aurkeztu du. Aurkezpena gaur goizean bildu den EAEn Etxeko tratu txarrak eta sexu indarkeria jasaten dituzten emakumeei arreta hobea egiteko Erakundeen arteko II Akordioaren Jarraipen Batzordearen baitan egin du. EAEn gaur egun indarkeria matxistari erakundeak ematen ari diren erantzunen berri ematen du mapak.