Zuzendaritza honi dagokio Hezkuntza Sailaren kudeaketa ekonomikoa, horretarako beharrezko diren informazio, etengabeko ebaluazio eta jarraipen sistemak ezarriz eta mantenduz. Sailaren Aurrekontuen Aurreproiektua koordinatzeaz eta lantzeaz arduratzen da, bai eta horren jarraipena egiteaz, dagozkion aurrekontu-aldaketak izapidetzeaz eta sailetako gastu-programak ebaluatzeaz ere. Bere eginkizunen artean dago, halaber, Saileko organo guztiei aurrekontu-finantzaketaren eta kudeaketaren arloko aholkuak ematea.

Kudeaketa Ekonomikoaren Zuzendaritzak unibertsitateaz kanpoko ikastetxe pribatuak finantzatzeko itunen eta akordioen arloko mota guztietako espedienteak aztertu, proposatu eta kudeatzen ditu, eta ikastetxe publikoetako eskola-jantokiak nahiz garraioa kudeatzen ditu. Era berean, unibertsitateaz kanpoko irakaskuntza-mailetako ikasleei zuzendutako beka eta laguntzen kudeaketaz arduratzen da.