Garapen autonomikorako politika gauzatzen du eta, horretarako, sailen jarduerak koordinatzen ditu, honako eginkizunen bidez:
• Autonomiaren garapena sustatu eta analizatzea, ordenamenduko eskumenen azterketa juridikoa eginez.
• Txostenak, ekimenak, eskakizunak eta judizio aurreko beharrezko jarduketak egitea, baita Jaurlaritzaren interesak ordezkatu eta defendatzea ere konstituzio-jurisdikzioaren eta Ebazpen Batzordearen aurrean, betiere Auzibide Zuzendaritzarekin elkarlanean.
• Estatuarekiko eta beste lurralde-erakunde batzuekiko eskumen-eskualdaketen politikari buruz aholku ematea eta politika hori gauzatzea.
• Autonomia Estatutuaren bigarren xedapen iragankorrean eta Autonomia Erkidegoko Erakunde Erkideen eta Lurralde Historikoetako Foru Organoen arteko Harremanetarako Legearen lehenengo xedapen iragankorrean eskumenen eskualdaketetarako aurreikusitako bitariko batzordeetan idazkaritza-lanak egitea.
• Jaurlaritzaren eta Estatuko Administrazioaren artean eskumenen inguruko gatazkak saihesteko beharrezkoak diren informazio-trukeak eta lankidetza-jarduerak egitea.
• Estatuko Administrazioarekin, foru administrazioekin edo toki-administrazioekin sor litezkeen gatazkak aztertzea eta Jaurlaritzari aholku ematea.