Euskal Funtzio Publikoaren Mahai Orokorrak berdintasunaren, digitalizazioaren eta belaunaldi-erreleboaren arloko konpromisoak adostea proposatu du Txanda-kontratuari lotutako erretiro partzialeko planetan eta gaixotasun larri eta heriotzagatiko lizentzia eta baimenetan hobekuntzak egitea proposatu die zentralei Eusko Jaurlaritzak negoziazio-egutegi bat proposatu die sindikatuei, berdintasunaren, digitalizazioaren eta belaunaldien arteko erreleboaren arloan gizarte eta lan arloko konpromiso berriak lantzeko, enplegatu publikoei eragiten dieten hainbat alderditan hobekuntza lortzeko. Lakuak helburu horietarako elkarrizketak apirilean, ekainean eta urrian hasi nahi ditu, hurrenez hurren. Gainera, Gobernuak hobekuntza zehatzen berri eman dizkie zentralei, lan-kontratudun langile finkoentzako erretiro partzialeko plan bat adosteko eta gaixotasun larrien baimenei buruzko araudia egokitzeko.