Nekazaritza, Abeltzaintza, Arrantza eta Elikaduraren sustapena, garapena eta kudeaketa, eta Landa, Kostalde eta Baso Garapenari lotutako politikak gure erantzukizuna dira, Euskal Autonomia Erkidegoan sektore estrategiko hori hobetzeko.

Euskal Autonomia Erkidegoko lehen mailako eta elikadura-sektorearen ezaugarriak bere produktuen aniztasuna, aberastasuna eta kalitatea dira, eta beraz, kalitate eta berme horren sustapena eta defentsa gure jardun guztien ezaugarri bereizgarri dira. Horretarako elkarlanean dihardugu Berrikuntza, Turismo eta Merkataritzarekin, interes komuneko ekintzak inplementatzea lortuz, hala nola Zientzia, Teknologia eta Berrikuntza Planerako ekarpenak edo gure presentzia Fiturren. Gure helburuen artean, produktuaren merkaturatzea hobetzea eta haren nazioartekotzea daude.

Europar Batasunaren laguntzak, koordinazio-neurriak eta araudiaren aplikazioa betearazten ditugu, gure sektorean lan egiten duten pertsonen interesen aldeko ordezkaritza gauzatuz.