Aurrekontu Zuzendaritzaren eginkizunak: Urtero Euskal Autonomia Erkidegoko Aurrekontu Orokorrak prestatzea eta horien exekuzioaren jarraipena egitea. Urteko aurrekontu-egoerak prestatzea, bai diru-sarrerenak, bai gastuenak, eta beharrezko azterketak eta txostenak egitea. Aurrekontu Orokorren aurreproiektuak egiteko jarraibide ekonomikoak eta jarraibide teknikoak garatzea. Euskal Autonomia Erkidegoko Aurrekontu Orokorren Legearen proiektuarekin batera aurkeztu behar den dokumentazioa koordinatzea eta prestatzea.

Eduki ekonomiko garrantzitsua duten arau-proposamen, plan, hitzarmen eta akordioei buruzko txostenak egitea, aurrekontu-eragina ebaluatzeko. Aurrekontuen arloan Jaurlaritzak Legebiltzarrarekin dituen harremanetan laguntza teknikoa ematea.