EHAAko xedapenak
Aldizkariaren data: 2019-12-13 Aldizkari honetan argitaratua: 2019237

183/2019 DEKRETUA, azaroaren 26koa, zeinaren bidez aitortzen baita Donostiako (Gipuzkoa) «Jakiunde elkartea, zientzia, arte eta letren akademia» onura publikokoa dela.

Organo emailea: HEZKUNTZA SAILA
Xedapenaren zenbakia: 201900183
Xedapenaren data: 2019-11-26
Hurrenkenaren zenbakia: 201905707
Maila: Dekretua
Euskadiko Elkarteei buruzko ekainaren 22ko 7/2007 Legearen 42. artikuluak honela dio: Euskal Autonomia Erkidegoko Elkarteen Erregistro Orokorrean inskribatuta dauden elkarteak onura publikokotzat aitortu ahal izango dira, baldin eta elkarteok, beren jardueren bitartez, interes orokorra edo guztien ongia lortzen laguntzen badute, eta, horretarako, eskuzabaltasun-, altruismo-, elkartasun- eta aniztasun-balioak nabarmen gauzatzen badituzte.
Horren babesean, «Jakiunde elkartea, zientzia, arte eta letren akademia» Euskal Autonomia Erkidegoko Elkarteen Erregistro Orokorrean inskribatuta dago, 2009ko apirilaren 7ko Ebazpena dela bide.
Euskal Autonomia Erkidegoko Elkarteen Erregistro Orokorrean erregistro-zenbaki honekin inskribatuta dago: AS/G/14354/2009.
Jakeline Barker andreak, elkartea ordezkatuz, haren idazkaria den aldetik, eta organo betearazlearen 2016ko uztailaren 22ko erabakiaren bidez, aipatutako aitorpena eskatu du, uste baitu merezi duela onura publikokoa dela aitortzea, garapenerako lankidetzaren eta sentsibilizazioaren arloan garatzen dituen jarduerengatik.
«Jakiunde elkartea, zientzia, arte eta letren akademia» Euskal Autonomia Erkidegoko Elkarteen Erregistro Orokorrean inskribatuta dago, 2009ko apirilaren 7ko Ebazpena dela bide.
Euskal Autonomia Erkidegoko Elkarteen Erregistro Orokorrean erregistro-zenbaki honekin inskribatuta dago: AS/G/14354/2009.
Elkarteak euskararen eta euskal kulturaren lurraldeetan garatzen du bere jarduera.
Eratu zenetik, «Jakiunde elkartea, zientzia, arte eta letren akademia» izeneko elkarteak bere helburu nagusia lortzeko behar diren jarduerak egiten ditu.
7/2007 Legearen 45.2 artikuluan xedatutakoarekin bat, onura publikoaren aitorpena Gobernu Kontseiluak erabakitako dekretu baten bidez egingo da. Dekretu-proposamena kasuan kasuko sailek –gaiaren arabera– eta betiere justiziaren arloko sail eskudunak egingo dute, eta azken sail horrek izapidetuko ditu bai prozedura, bai bertan sor daitezkeen auzi guztiak. Agindu hori betez, dagokion espedientea izapidetu da, eta, ondoren, sailei eta erakundeei eskatu zaizkien txostenak erantsi zaizkio espedienteari.
Ondorioz, Gobernantza Publiko eta Autogobernuko sailburuaren eta Hezkuntzako sailburuaren proposamenez, erakunde eta entitate interesdunek emandako txostenak ikusi ondoren, eta Gobernu Kontseiluak 2019ko azaroaren 26an egindako bilkuran aztertu eta onartu ondoren, hauxe
XEDATZEN DUT:
Artikulu bakarra.– Onura publikokoa dela aitortzen zaio «Jakiunde elkartea, zientzia, arte eta letren akademia» izeneko elkarteari, bere jardueren bidez interes orokorraren alde egiten duela uste baita; Euskal Autonomia Erkidegoko Elkarteen Erregistro Orokorrean inskribatuta dago AS/G/14354/2009 zenbakiarekin.
Vitoria-Gasteizen, 2019ko azaroaren 26an.
Lehendakaria,
IÑIGO URKULLU RENTERIA.
Gobernantza Publiko eta Autogobernuko sailburua,
JOSU IÑAKI ERKOREKA GERVASIO.
Hezkuntzako sailburua,
CRISTINA URIARTE TOLEDO.