EHAAko xedapenak
Aldizkariaren data: 2018-09-14 Aldizkari honetan argitaratua: 2018178

ERABAKIA, 2018ko uztailaren 12koa, Universidad del País Vasco / Euskal Herriko Unibertsitatearen Gobernu Kontseiluarena, indarrik gabe uzteko dena 2017ko abenduaren 14ko erabakia, zeinaren bidez onartu baitzen handitzea aldi baterako enplegua egonkortzea helburu zuen irakasle-ikertzaileentzako 2017ko Lan Eskaintza Publikoaren plaza kopurua.

Xedapenaren data: 2018-07-12
Hurrenkenaren zenbakia: 201804523
Maila: Akordioa
Sekzioa: AGINTARIAK ETA LANGILERIA (Oposaketak eta lehiaketak)

Aurreko erreferentziak:
  • 2017/12/21ean argitaratutako 2017/12/14ko AKORDIOA deuseztatzen du [201706141]

Universidad del País Vasco / Euskal Herriko Unibertsitateak 2017ko abenduaren 14an hartutako erabakiaren bidez (2017-12-21eko EHAA) onartu zen handitzea irakasle-ikertzaileentzako 2017ko Lan Eskaintza Publikoaren plaza kopurua, aldi baterako enplegua egonkortzeko.
Ogasun eta Funtzio Publikoko Ministerioaren Pertsonaleko Kostuen eta Pentsio Publikoen Zuzendaritza Nagusiaren 2017-12-22ko idatziaren bidez, erabaki horri buruzko informazio gehiago eskatu zitzaion unibertsitateari.
UPV/EHUko Irakasle-ikertzaileen arloko errektoreordeak erantzun zuen, 2018-01-17ko data zuen txostenaren bidez.
Pertsonaleko Kostuen eta Pentsio Publikoen Zuzendaritza Nagusiren 2018-02-16ko idatziaren bidez, administrazio honi jakinarazi zitzaion emandako azalpenak ez zirela nahiko, eta erabakia aldatzea edo indargabetzea eskatu zitzaion. Gainera, jakinarazi zen hori egin ezean Estatuko Abokatutzari eskatuko zitzaiola errekurtsoa jartzeko Administrazioarekiko Auzien Jurisdikzioan.
Horregatik guztiagatik, Irakasle-ikertzaileen arloko errektoreordearen proposamenez, Gobernu Kontseiluak honako hau
ERABAKITZEN DU:
Lehenengoa.– Indarrik gabe uztea Gobernu Kontseiluaren 2017ko abenduaren 14ko erabakia, zeinaren bidez onartu baitzen 39 plaza gehitzea UPV/EHUko irakasle-ikertzaileentzako 2017ko Lan Eskaintza Publikoaren plaza kopuruari, aldi baterako enplegua egonkortzeko.
Bigarrena.– Erabaki hau Euskal Herriko Agintaritzaren Aldizkarian txertatzea.
Leioa, 2018ko uztailaren 12a.
Errektorea,
NEKANE BALLUERKA LASA.
Idazkari nagusia,
PEDRO MARÍA IRIONDO BENGOA.