EHAAko xedapenak
Aldizkariaren data: 2017-12-27 Aldizkari honetan argitaratua: 2017245

EBAZPENA, 2017ko azaroaren 30ekoa, Laneko eta Gizarte Segurantzako zuzendariarena, zeinaren bidez agintzen baita ASLE-Euskadiko Lan Sozietateak erakundearen estatutuak aldatzeko dokumentazioa eta estatutuak gordailutzea, eta horren berri ematen baita.

Organo emailea: LAN ETA JUSTIZIA SAILA
Xedapenaren data: 2017-11-30
Hurrenkenaren zenbakia: 201706232
Maila: Ebazpena
Sindikatu eta Enpresa Erakundeen Estatutuak Gordailutzeko Bulego Publiko honetan espedientea hasi da ASLE-Euskadiko Lan Sozietateak enpresa-erakundearen estatutuak aldatzeko dokumentazioa gordailutzea dela-eta, zeina erakunde horren idazkariak aurkeztu baitu. Espediente hori ikusirik, ebazpena eman da, honako aurrekari hauek oinarri hartuta:
AURREKARIAK
Lehenengoa.– 2017ko azaroaren 14an aurkeztutako dokumentazioaren bidez, aipatutako enpresa-erakundearen estatutuak aldatzeari dagokion dokumentazioa eta estatutuak gordailutzeko eskatu da.
Bigarrena.– 2016ko azaroaren 3an eta 2017ko urriaren 24an errekerimendu bana egin zen, eta errekerimendu horiek behar bezala bete dira 2017ko azaroaren 17an.
Hirugarrena.– Aurkeztutako agiriak bat datoz Sindikatuen eta Enpresa Erakundeen Estatutuak gordailutzeari buruzko maiatzaren 29ko 416/2015 Errege Dekretuarekin, eta aurkeztutako agirien artean hauek daude: gordailutze-eskabidea, 2017ko maiatzaren 12an egindako batzar nagusiaren akta jasotzen duen notario-eskritura eta estatutu aldatuak, bai eta sinatzaileen identitatea eta karguak egiaztatzeko agiriak.
Aurrekari horiei zuzenbideko honako oinarri hauek aplikatu behar zaizkie:
ZUZENBIDEKO OINARRIAK
Lehenengoa.– Sindikatuen eta enpresa-erakundeen estatutuak gordailutzeko eskumena organo honi ematen dio Lan eta Justizia Sailaren egitura organikoa eta funtzionala ezartzen duen Eusko Jaurlaritzaren apirilaren 11ko 84/2017 Dekretuaren 9.1.m) artikuluak.
Bigarrena.– Administrazio-prozedura honetan aplikagarri den funtsezko araudia apirilaren 1eko 19/1977 Legean eta Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuan jasota dago.
Hirugarrena.– Gordailutzeko aurkeztutako dokumentazioa aztertuta, zuzenbidezkoa dela egiaztatu da, eta, horrenbestez, bidezkoa da gordailutzeko onartzea estatutuak aldatzeko erabakiari dagokion dokumentazioa eta estatutu aldatuak, eta argitara ematea hori.
Aipaturiko oinarriak eta oro har aplikatzekoak diren xedapenak aztertu ondoren, honako hau
EBAZTEN DUT:
Lehenengoa.– ASLE-Euskadiko Lan Sozietateak enpresa-erakundearen estatutuak aldatzeko erabakia eta aldatutako estatutuak gordailutzea agintzea.
Bigarrena.– Gordailutze hori Euskal Herriko Agintaritzaren Aldizkarian argitaratzeko agintzea, Sindikatuen eta enpresa-erakundeen estatutuak gordailutzeari buruzko maiatzaren 29ko 416/2015 Errege Dekretuaren 13. artikuluan aurreikusitako baldintzetan.
Hirugarrena.– Eman den egunaren biharamunetik aurrera izango ditu ondorioak ebazpen honek.
Laugarrena.– Interesdunek aztertu ahalko dute gordailututako dokumentua, eta horren kopia eskatu, baita aurkaratu ere Euskal Autonomia Erkidegoko Auzitegi Nagusiko Lan Arloko Salan, urriaren 10eko 36/2011 Legearen 71.6 artikuluan ezarritakoaren arabera (2011ko urriaren 11ko BOE).
Vitoria-Gasteiz, 2017ko azaroaren 30a.
Laneko eta Gizarte Segurantzako zuzendaria,
MARÍA ELENA PÉREZ BARREDO.