EHAAko xedapenak
Aldizkariaren data: 2017-11-14 Aldizkari honetan argitaratua: 2017217

EBAZPENA, 2017ko urriaren 31koa, Herri Arduralaritzaren Euskal Erakundearen zuzendariarena, zerrendan ageri diren entitateetako langileen prestakuntzarako laguntzak esleitzen dituena.

Xedapenaren data: 2017-10-31
Hurrenkenaren zenbakia: 201705426
Maila: Ebazpena

Aurreko erreferentziak:
  • Ikus 2017/06/16an argitaratutako 2017/05/30reko EBAZPENA [201703025]

2017ko ekainaren 16an argitaratu zen Euskal Herriko Agintaritzaren Aldizkarian Euskal Autonomia Erkidegoko toki-administrazio, foru-administrazio eta Euskal Herriko Unibertsitateko enplegatuen prestakuntza finantzatzera bideratutako laguntzen deialdia egiten duen ebazpena. Eskabideak aurkezteko epea amaituta, eta aipatutako ebazpenean ezarritakoa betez, honako hau
EBAZTEN DUT:
Lehenengoa.– Honako laguntza hauek ematea entitateetako prestakuntza finantzatzeko:
AUTONOMIA-ERKIDEGOKO UDAL-ADMINISTRAZIOAK:
AUTONOMIA-ERKIDEGOKO FORU-ADMINISTRAZIOAK:
EUSKAL HERRIKO UNIBERTSITATEA (ADMINISTRAZIO ETA ZERBITZUETAKO LANGILEAK):
Bigarrena.– Agintzea entitate horiei esleitutako zenbatekoen % 80 ordaintzeko izapideak hastea.
Hirugarrena.– Ebazpen honen aurka ezin da errekurtsorik jarri administrazio-bidean, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluak arautzen duen moduan.
Vitoria-Gasteizko Administrazioarekiko Auzien Epaitegiari aurkez dakioke administrazioarekiko auzi-errekurtsoa. Errekurtsoa jartzeko epea bi hilabetekoa izango da jakinarazten den biharamunetik hasita, aipaturiko 29/1998 Legearen 46. artikuluak esan bezala.
Hala ere, aldez aurretik, erakunde honi errekerimendua egin ahal izango zaio, egintza ezeztatu dezan. Errekerimendua IVAPeko zuzendariari zuzendu beharko zaio idazki arrazoitu baten bidez. Errekeritzeko epea bi hilabetekoa izango da ebazpena jakinarazten den biharamunetik hasita. Errekerimendua jaso eta hurrengo hilabetean erantzunik ematen ez bazaio, ukatutzat joko da (29/1998 Legearen 44. artikulua). Aurretik errekerimendua izan bada, Administrazioarekiko Auzietako helegitea jartzeko epea berariazko akordioa jasotzen den edo isilbidez ezeztatuta jotzen den hurrengo egunetik aurrera zenbatuko da.
Vitoria-Gasteiz, 2017ko urriaren 31.
Herri Arduralaritzaren Euskal Erakundearen zuzendaria,
MAITE IRURETAGOIENA IBARGUREN.