EHAAko xedapenak
Aldizkariaren data: 2017-03-20 Aldizkari honetan argitaratua: 2017055

59/2017 DEKRETUA, martxoaren 14koa, Euskadiko Unibertsitate Kontseiluko kide batzuk kendu eta horien ordezkoak izendatzen dituena.

Organo emailea: HEZKUNTZA SAILA
Xedapenaren zenbakia: 201700059
Xedapenaren data: 2017-03-14
Hurrenkenaren zenbakia: 201701445
Maila: Dekretua

Aurreko erreferentziak:
  • Ikus 2013/05/15ean argitaratutako 2013/04/16ko 201300206 DEKRETUA
  • Ikus 2015/05/22an argitaratutako 2015/05/19ko 201500072 DEKRETUA

Euskal Autonomia Erkidegoko Unibertsitatea Antolatzen duen ekainaren 29ko 19/1998 Legearen 6. artikuluaren bidez sortu zen Euskadiko Unibertsitate Kontseilua. Euskal Unibertsitate Sistemaren otsailaren 25eko 3/2004 Legearen 65. artikuluaren arabera, kontseilu hori euskal unibertsitate-sistema koordinatzeko erakundea da, eta, orobat, Eusko Jaurlaritzaren kontsulta- eta aholku-erakundea unibertsitate-gaietarako. Horretaz gain, 66. artikuluan, kontseiluaren osaera eta jarduteko moduari dagokionez, berrikuntzak sartu ditu, aurreko erregulazioarekin konparatuz gero. Hain zuzen ere, eta osaerari dagokionez, honako hau ezarri du, lehen paragrafoan: Euskadiko Unibertsitate Kontseiluaren burua unibertsitateen gaietan eskumenak dituen saileko sailburua izango da, eta unibertsitateen gaietan eskumenak dituen sailburuordea izango da kontseiluaren buruordea. Ildo beretik, eta a) letran ezarritakoarekin bat, besteak beste kide hauek osatuko dute kontseilua: unibertsitateen gaietan eskumenak dituen saileko sailburuak izendatuta, bost kide, horien artean lehen esandako sailburuordea. Bere aldetik, Unibertsitateen Euskal Kontseilua arautzen duen azaroaren 20ko 204/2007 Dekretuaren 3.1 artikuluak arautzen du bere osaera.
Horrenbestez, sailean izandako aldaketen ondorioz, Hezkuntzako sailburuak Euskadiko Unibertsitate Kontseilurako aukeratutako kide batzuk kendu eta horien ordezkoak izendatu behar ditu.
Horiek horrela, Hezkuntzako sailburuaren proposamenez, eta Gobernu Kontseiluak 2017ko martxoaren 14an egindako bilkuran aztertu eta onartu ondoren, hauxe
XEDATZEN DUT:
1. artikulua.– Euskadiko Unibertsitate Kontseiluko kide hauek kentzea:
– Miren Arantza Aurrekoetxea Bilbao andrea.
– Francisco Javier Alonso Aldama jauna.
2. artikulua.– Honako hauek Euskadiko Unibertsitate Kontseiluko kide izendatzea:
– Miren Maite Alonso Arana andrea, Hezkuntzako sailburuordea.
– Miren Artaraz Miñón andrea, Unibertsitateen zuzendaria.
AZKEN XEDAPENA
Euskal Herriko Agintaritzaren Aldizkarian argitaratzen den egunaren biharamunetik aurrera izango ditu ondorioak.
Vitoria-Gasteizen, 2017ko martxoaren 14an.
Lehendakaria,
IÑIGO URKULLU RENTERIA.
Hezkuntzako sailburua,
CRISTINA URIARTE TOLEDO.