EHAAko xedapenak
Aldizkariaren data: 2017-03-17 Aldizkari honetan argitaratua: 2017054

IRAGARKIA, B-64/2016-T zehapen-prozeduran Osasun Publikoaren eta Adikzioen Zuzendariak egin duen ebazpena jakinarazteko dena.

Organo emailea: OSASUN SAILA
Xedapenaren data: 2017-03-10
Hurrenkenaren zenbakia: 201701437
Maila: Iragarpena
Sekzioa: IRAGARKIAK (Beste iragarki ofizial batzuk)

Aurreko erreferentziak:
  • Ikus 2016/12/05ean argitaratutako 2016/11/25eko IRAGARPENA [201605201]
  • Ikus 2017/01/31n argitaratutako 2017/01/23ko IRAGARPENA [201700563]

Jesus García Ordas jaunari –Bilboko Telesforo Aranzadi kaleko 8an dagoen «Orden Club» establezimenduaren jabea– eta Neudy Alcántara Suero andreari –arduradunari– ezin izan diegu ohiko moduan jakinarazi goian aipatutako ebazpena. Horregatik argitaratzen da iragarki hau.
Honen arabera, jakinarazten zaie zehapen-espedientean ebazpena egin dela arau-hauste sanitario bi egiteagatik (Adikzioen eta Droga Mendekotasunen gaineko Arreta Integralari buruzko apirilaren 7ko 1/2016 Legearen arau-hausteak). Jarri zaizkien isunetariko bakoitzaren zenbatekoa 601 eurokoa da.
Legezko ohartarazpenak:
Ebazpen honek ez dio amaiera ematen administrazio-bideari, eta gora jotzeko errekurtsoa jar dakioke Osasuneko sailburuordeari. Gora jotzeko errekurtsoa, aipatutako sailburuordearen aurrean egin daiteke, baita Osasun Publikoaren eta Adikzioen Zuzendariaren aurrean ere, hilabeteko epearen barruan, jakinarazpena jaso den egunaren biharamunetik aurrera, Administrazio Publikoen Administrazio Prozedura Erkidearen urriaren 1eko 39/2015 Legearen 121. artikuluan eta hurrengoetan araututakoarekin bat. Espedientea ikusi ahal izango dute Bizkaiko Lurralde Ordezkaritzan (Bilbao, Errekalde zumarkalea 39 A, 5. solairua – Aholkularitza Juridikoa).
Era berean, interesdunei ohartarazten zaie ordainketa epe honetan egin beharko dutela: ebazpenaren irmotasuna hilaren 1aren eta 15aren artean gertatzen bada, irmotasun-datatik hurrengo hilabeteko 5a arte, edo, egun hori balioduna ez bada, hurrengo egun balioduna arte. Ebazpenaren irmotasuna hilaren 16aren eta azkeneko egunaren artean gertatzen bada, irmotasun-datatik hurrengo hilabeteko 20a arte, edo, egun hori balioduna ez bada, hurrengo egun balioduna arte. Ebazpenak irmotasuna hartuko du, gorako errekurtsoa jartzeko hilabeteko epea halakorik jarri gabe igarotzen denean, edo, interesdunek gorako errekurtsorik jarriz gero, gorako errekurtsoa ezetsi egin delako berria jasotzen dutenean –ezetsi egiten bada, behintzat.
Diru-sarrera banku honetan eta kontu korronte honetan egingo da, espedientearen zenbakia adierazita:
Kutxa Bank – K/K zk.: IBAN ES85/2095/0611/0132/3906/8030 – Euskal Herriko Diruzaintza Nagusia.
Aipatutako borondatezko epean isunaren ordainketa egin ezean, behatze bidez bilduko da, indarrean dauden xedapenen arabera, eta dagozkion gainordainekin.
Hori guztia, Euskal Herriko Agintaritzaren Aldizkarian eta Estatuko Aldizkari Ofizialean argitaratuz jakinarazten da, Administrazio Publikoen Administrazio Prozedura Erkidearen urriaren 1eko 39/2015 Legearen 44. artikuluan ezarritakoaren arabera.
Ediktu-jakinarazpen honek «dies a quo» moduan du eragina, epe-kontaketari dagokionez, Estatuko Aldizkari Ofizialean argitaratzen denetik aurrera.
Bilbao, 2017ko martxoaren 10a.
Espedientearen idazkaria,
LEIRE BERGARA SAUTUA.
I. ERANSKINA