EHAAko xedapenak
Aldizkariaren data: 2016-08-10 Aldizkari honetan argitaratua: 2016151

22/2016 DEKRETUA, uztailaren 22koa, Lehendakariarena, Zerga Koordinaziorako Organoan udalek dituzten ordezkariak izendatzeko dena.

Organo emailea: LEHENDAKARITZA
Xedapenaren zenbakia: 201600022
Xedapenaren data: 2016-07-22
Hurrenkenaren zenbakia: 201603536
Maila: Dekretua

Aurreko erreferentziak:
  • Ikus 1989/06/09an argitaratutako 1989/05/30reko 198900003 LEGEA
  • Ikus 2016/04/14an argitaratutako 2016/04/07ko 201600002 LEGEA

Zergapideen elkaregokitasun, erakidetasun eta lankidetasunari buruzko maiatzaren 30eko 3/1989 Legearen bitartez sortu zen Zerga Koordinaziorako Organoa. Lege horren 16. artikuluaren arabera, honako hauek izango dira organo horretako kideak: Eusko Jaurlaritzaren hiru ordezkari –Ogasun eta Finantzetako sailburuak proposatuta– dekretuz izendatuak, euretariko bat organoaren burua izango da, eta foru aldundien ordezkari bana.
Euskadiko Toki Erakundeei buruzko apirilaren 7ko 2/2016 Legearen azken xedapenetako hirugarrenaren bitartez, maiatzaren 30eko 3/1989 Legeaen 16. artikuluari 4. paragrafoa erantsi zaio, Zerga Koordinaziorako Organoan Euskadin ezarpen handiena duen udalerrien elkarteak proposatu eta lehendakariak izendaturiko hiru ordezkari sartzeko, hitzarekin eta botoarekin, maiatzaren 30eko 3/1989 Legearen 7. eta 11. artikuluetan aurreikusitakoaren arabera tokiko zergak aztertu behar direnerako.
2016ko maiatzaren 26ko Aginduaren bitartez, Euskal Udalen Elkartea izendatu da Euskadiko Autonomia Erkidegoaren lurralde-eremuan ezarpen handiena duen elkartea, Euskadiko Toki Erakundeei buruzko apirilaren 7ko 2/2016 Legearen hirugarren xedapen gehigarriaren 5. puntuari jarraiki.
Horrela bada, Euskal Udalen Elkartearen Batzorde Eragileak 2016ko uztailaren 14an egindako batzarrean erabaki du euskal udalen hiru ordezkari proposatzea lehendakariari, berak izendatu ondoren Zerga Koordinaziorako Organoko kideak izan daitezen ordezkariok.
Horregatik guztiarengatik, hauxe,
XEDATZEN DUT:
Artikulu bakarra.– Honako hauek Zergen Koordinaziorako Organo kide izendatzea, udalen ordezkari gisa:
– Iñigo Gómez Unzueta jauna, Artziniegako alkatea.
– José Manuel Marín Monzón jauna, Bilboko Udalaren Ekonomia eta Ogasun Saileko Zergen Kudeaketarako zuzendaria.
– Mikel Biain Berraondo jauna, Oñatiko alkatea.
AZKEN XEDAPENETATIK LEHENENGOA
Sinatzen den egunetik aurrera izango ditu ondorioak dekretu honek.
AZKEN XEDAPENETATIK BIGARRENA
Argitara bedi dekretu hau Euskal Herriko Agintaritzaren Aldizkarian, guztiek izan dezaten horren berri.
Vitoria-Gasteizen, 2016ko uztailaren 22an.
Lehendakaria,
IÑIGO URKULLU RENTERIA.