EHAAko xedapenak
Aldizkariaren data: 2016-03-22 Aldizkari honetan argitaratua: 2016056

EBAZPENA, 2016ko martxoaren 11koa, Herri Arduralaritzaren Euskal Erakundeko zuzendariarena, argitara ematen duena erakunde honek antolatutako ikastaroen balorazioa, estatu-mailako gaitasuna duten toki-administrazioko funtzionarioen lehiaketen baremo orokorrean sartzeko.

Xedapenaren data: 2016-03-11
Hurrenkenaren zenbakia: 201601253
Maila: Ebazpena

Aurreko erreferentziak:
  • 2007/11/05ean argitaratutako 2007/10/10reko EBAZPENA zabaltzen du [200706005]
  • 2008/08/06an argitaratutako 2008/07/15eko EBAZPENA zabaltzen du [200804636]
  • 2009/02/02an argitaratutako 2009/01/15eko EBAZPENA zabaltzen du [200900508]
  • 2009/07/28an argitaratutako 2009/07/10reko EBAZPENA zabaltzen du [200904286]
  • 2010/02/18an argitaratutako 2010/01/28ko EBAZPENA zabaltzen du [201000832]
  • 2010/08/02an argitaratutako 2010/07/08ko EBAZPENA zabaltzen du [201003646]
  • 2011/03/09an argitaratutako 2011/02/11ko EBAZPENA zabaltzen du [201101267]
  • 2011/10/11n argitaratutako 2011/09/19ko EBAZPENA zabaltzen du [201104897]
  • 2013/03/15ean argitaratutako 2013/03/01eko EBAZPENA zabaltzen du [201301393]
  • 2013/04/19an argitaratutako 2013/03/25eko EBAZPENA zabaltzen du [201301897]
  • 2013/05/13an argitaratutako 2013/04/25eko EBAZPENA zabaltzen du [201302224]
  • 2013/10/03an argitaratutako 2013/09/19ko EBAZPENA zabaltzen du [201304168]
  • 2014/12/11n argitaratutako 2014/11/28ko EBAZPENA zabaltzen du [201405284]
  • 2015/10/28an argitaratutako 2015/10/21eko EBAZPENA deuseztatzen du [201504545]

Estatu-mailako gaitasuna duten toki-administrazioko funtzionarioentzat gordetako lanpostuak betetzeari buruzko uztailaren 29ko 1732/94 Errege Dekretuaren 15. artikuluan dago zehaztuta nola osatzen den jardunbide horietan ezargarria den baremo orokorra, prestakuntza- eta hobekuntza-ikastaroak ere horren barruan sartzen direla.
Bestetik, bai Ministerioaren 1994ko abuztuaren 10eko Aginduaren 1.d) artikuluan, bai Herri Administrazioaren Estatuko Erakundearen 1994ko urriaren 26ko Ebazpenean, xedatuta daude, autonomia-erkidegoekin bat eginda, toki-administrazioko prestakuntza- eta hobekuntza-ikastaroen onarpenerako eta baloraziorako irizpideak.
Herri Arduralaritzaren Euskal Erakundeak 2015eko uztailaren 1etik 2015eko abenduaren 31ra bitartean antolatutako ikastaroak hautaketa-jardunbide horien baremo orokorrean jaso ahal izateko, erakunde horrek ikastaro horien balorazioa zehaztu zuen. Izan ere, ebazpen honen bitartez balorazio horren berri ematen da denak jakitun izan daitezen.
Hori guztia kontuan izanik,
EBAZTEN DUT:
Artikulu bakarra.– Herri Arduralaritzaren Euskal Erakundeak 2015eko uztailaren 1etik 2015eko abenduaren 31ra bitartean antolatutako ikastaroen balorazioaren berri ematea, estatu-mailako gaitasuna duten toki-administrazioko funtzionarioen lehiaketen baremo orokorrean sartzeko, balorazio hori ebazpen honen eranskinean dago zehaztuta. Ebazpen hau beste ebazpen hauen osagarria da: 2015eko urriaren 21ekoa (2015-10-28ko EHAA, 205. zk.), 2014ko urriaren 28koa (2014-12-11ko EHAA, 236. zk.), 2013ko irailaren 19koa (2013-10-03ko EHAA, 189. zk.), 2013ko apirilaren 25ekoa (2013-05-13ko EHAA, 90. zk.), 2013ko martxoaren 25ekoa (2013-04-19ko EHAA, 75. zk.), 2013ko martxoaren 1ekoa (2013-03-15eko EHAA, 53. zk.), 2011ko irailaren 19koa (2011-10-11ko EHAA, 194. zk.), 2011ko otsailaren 11koa (2011-03-09ko EHAA, 47. zk.), 2010eko uztailaren 8koa (2010-08-02ko EHAA, 147. zk.), 2010eko urtarrilaren 28koa (2010-02-18ko EHAA, 33. zk.), 2009ko uztailaren 10ekoa (2009-07-28ko EHAA, 143. zk.), 2009ko urtarrilaren 15ekoa (2009-02-02ko EHAA, 22. zk.), 2008ko uztailaren 15koa (2008-08-06ko EHAA, 148. zk.) eta 2007ko urriaren 10ekoa (2007-11-05ko EHAA, 212. zk.). Ebazpen guztiek diraute indarrean.
Vitoria-Gasteiz, 2016ko martxoaren 11.
Herri Arduralaritzaren Euskal Erakundeko zuzendaria,
MARÍA TERESA IRURETAGOYENA IBARGUREN.