Dekretu-proiektua, Ikaskuntzarako Berrikuntza Zentroa sortzea eta haren lanpostuen zerrenda onartzea arautzen duena. Jendaurreko informazioaren izapidea. Ondorioak

Xedapen Orokorrak Egiteko Prozeduraren ekainaren 30eko 6/2022 Legearen 17. artikuluan xedatutakoaren arabera, proiektu hau jendaurrean jarri da, eta Eusko Jaurlaritzaren egoitza elektronikoan (euskadi.eus) eta Irekian argitaratu da.

Dekretu-proiektua jendaurrean jartzeko izapidea amaituta, Hezkuntza Sailak eskerrak eman nahi dizkie prozesuan parte hartzeagatik beren ekarpenak eta iruzkinak helarazi dituzten pertsona, erakunde eta hezkuntza-eragile guztiei, prozesua aberasteko ezarri diren bideen bitartez.

Horretarako ezarritako epea igaro eta aipatutako izapideen emaitza baloratu ondoren, prozedura izapidetzen jarraituko da.