Berriak Etxebizitza, Herri Lan eta Garraioak
Eu

Arriola sailburuak portu-zerbitzuetarako hiru eraikin inauguratu ditu Orioko kirol-dartsenan

2012.eko martxoak 28

 Eraikinetako batek Kapitaintza zerbitzua hartuko du

Iñaki Arriola sailburuak eta  Beñat Solabarrieta Orioko alkateak, Eusko Jaurlaritzak Orioko kirol-dartsenan portu-zerbitzuetarako eraiki dituen hiru eraikin inauguratu dituzte.

 Berez, lehendik zeuden egiturak aprobetxatu dira, hiru eraikin atontzeko. Eraikinetako baten beheko solairua, dartsenako sarreratik gertuen dagoena, Kapitaintzak erabiltzeko atondu da. Hiru eraikinak berdinak dira fatxaden diseinuari dagokionean, baina koloreak bereizi egiten ditu. Hirurak dira modernoak eta inguruarekin bat datozenak; argia eta kolorea konposizio-baliabide gisa erabili dira, eta erabilera anitz izateko eran moldatuta daude. Obraren aurrekontua 1,1 milioi euro izan da.

Itsaso aldera ematen duen fatxada kurboa da, eta leihate bat du, dartsena osoa ikusten uzten duena. Fatxaden konposizioan tarte kurboak eta zuzenak konbinatu dira; linea horizontalak dira nagusi, baina bistan utzitako zutabeen bertikaltasunak orekatu egiten dituzte nolabait.

 Kolorearen erabilera berezia izan da. Horregatik, fatxadetan, panel fenolikoak dira nagusi, iraunkortasun eta aire librean duten erresistentzia handiagatik ez ezik, testura eta kolore aldetik, gama zabala, eta modulatzeko aukera bikaina eskaintzen dutelako.

 Kapitaintza

 Kapitaintzak 315 metro koadroko eremua hartuko du, eraikinetako baten beheko solairuan.

 Kapitaintza eta aldagelak era independentean funtzionatzeko moduan antolatu dira. Ordutegi normalean, Kapitaintzatik sartu beharko da aldageletara, baina badute beste sarrera independente bat, ordutegitik kanpo  sartu behar izanez gero.

 Barruko aldetik eskailera bat egin da, eraikinetik dartsenara oinez joan ahal izateko. Goiko aldean bi terraza daude, erabilera erdi-publikoa izango dutenak. Hegoaldera ematen duen terrazan, hiru eguzki-panel jarri dira.

 Azalera erabilgarriak

Beheko solairua (dartsenaren parekoa).                                          241,01 m²

       Sarrera aldea                                                                               29,60 m²

                 Kanpoko atondoa                                          25,8 / 2 m²

                 Atondoa                                                              16,70 m²

       EKPren eremua                                                                           42,02 m²

                 Eremu nagusia                                                   36,16 m²

                 Lokala                                                                   5,86 m²

       Marinelen aldea                                                                           17,99 m²

                 Bulegoa                                                               12,13 m²

                 Aldagela                                                                5,86 m²

       Aldagelak                                                                                   126,28 m²

                 1. aldagela (gizonezkoentzat)                           34,76 m²

                 2. aldagela (emakumezkoentzat)                     34,76 m²

                 3. aldagela (egokitua)                                          7,87 m²

                 1. komuna (gizonezkoentzat)                             6,59 m²

                 2. komuna (emakumenzkoentzat)                     6,59 m²

                 Korridore nagusia                                             27,84 m²

                 Instalazioen gela                                                  7,87 m²

       Biltegiak                                                                                        25,12 m²

                 1. biltegia                                                            12,56 m²

                 2. biltegia                                                            12,56 m²

 

Goiko solairua (pasealekuaren parekoa).                            146,30 m²

            Eremu komuna

 

 

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(IX legealdia 2009 - 2012)