Amaia Barredo, Urretxu eta Zumarraga´ko Santa Luzia Azokan
- Luki eta Serrano alkateekin batera barazki eta fruta salmenta eta ardo eta txakolin dastaketa postuetan ibili da
Urretxu & Zumarraga, 2024 12 13
Amaia Barredok, Eusko Jaurlaritzako Elikadura, Landa Garapen, Nekazaritza eta Arrantza sailburuak, Urretxu eta Zumarragako Santa Luzia Azokan parte hartu du gaur goizean. Bertan, zaldi-aziendaren, nekazaritzako makineriaren, Arabako eta Getariako ardoen eta txakolinen laginak eta fruta eta barazkien sariak nabarmendu dira, Kalebarren-Areizagako Euskal Oiloa erakusketarekin batera.
Raul Perez Iratxeta sailburuordeak lagunduta, sailburuak bi herrietako alkateak, Ion Luki eta Mikel Serrano, eta inguruko foru diputatuak eta tokiko ordezkariak agurtu ditu. Gipuzkoako hainbat herritako barazki eta fruta salmenta postuak eta udaletxearen aurrean dagoen Basque Wine karpa preziatu ditu Barredok.
Gipuzkoako Erlezainen Elkarteak, artisautza-lanek eta Arabako Errioxako XXXI. Ardo Azokak antolatu dute jardunaldia. Gainera, Lizarriturri txistulariek eta Urretxuko Iratzarri dultzaineroek kalejira egin dute.
