Fermenstation startupa, “Culinary Action! On the Road” Tokio geldialdiko irabazlea

• Fermenstation (Japonia), arrozaren hondakinak eta elikagaien eta edarien fabrika handietako azpiproduktuak erabiliz edari hartzituak ekoizten dituen foodtech startupa, berrikuntzan eta iraunkortasunean oinarrituta, izan da Culinary Action! On The Road lehiaketaren irabazle hautatua, Basque Culinary Centerren GOe–Gastronomy Open Ecosystem ekimen estrategikoaren barruan dagoen Culinary Action-eko foodtech startup-ei zuzendutako nazioarteko ekintzailetza-programaren laugarren edizioan.
•  Nazioarteko lehiaketa ibiltaria da, ekosistema bakoitzeko startup onenak aukeratzeko. Startupek gastronomiako zentro teknologikoarekin ikerketa eta berrikuntza proiektuak garatzeko aukera izango dute 20 orduz, eta Basque Culinary Centerreko korporazio, inbertitzaile eta aholkularien network eta ekosistemarako sarbidea izango dute.
•  Barein (Barein), Londres (Erresuma Batua) eta Boston (AEB) dira On The Road lehiaketaren geldialdia izango duten hurrengo hiri hautatuak.

  Tokio, 2024 11 06

Fermenstation (Japonia), arrozaren hondakinak eta elikagaien eta edarien fabrika handietako azpiproduktuak erabiliz edari hartzituak ekoizten dituen foodtech startupa, Culinary Action!-en hirugarrengo geldialdiaren irabazle aukeratu dute. On The Road leihaketaren bigarren geldialdia Tokion antolatu da, foodtech startup-ei zuzendutako nazioarteko ekintzailetza-programa, Tokyo Food Institute eta Tokyo Tatemono  tokian tokiko kidearekin batera Rotterdamen duen egoitzaren bidez.

Asier Alea, Basque Culinary Centerreko Garapen Globaleko zuzendaria, eta Rocky Sawada, Tokyo Food Institute-ko Senior Manager-a, izan dira Tokio jardunaldia inauguratzeko arduradunak.

Raquel Martin, GOe–Gastronomy Open Ecosystem proiektuko arduraduna, eta Asier Alea, Basque Culinary Centerreko Garapen Globaleko zuzendaria, GOe-Gastronomy Open Ecosystem proiektuaren gakoak eta jarduera partekatu dituzte jardunaldiko parte-hartzaileekin. Ekosistema ireki honek ikasleen, ekintzaileen, ikertzaileen, enpresen eta herritarren arteko lankidetza sustatzen eta garatzen du.

Ondoren, Juan Carlos Arboleya, elikagaien fisiko-kimikoa eta Basque Culinary Centerreko Gastronomia Zientzietako Masterraren zuzendariak, “Science meets gastronomy” izeneko hitzaldian azaldu du garrantzitsua dela gastronomia ezagutza-eremu ezberdinetatik lantzea, ikuspegi diziplinarteko batetik, non agente ezberdinen ikuspegiak batzen diren.

Bestalde, Begoña Rodríguez, BCC Innovationeko zuzendariak, Basque Culinary Centerreko gastronomiaren arloko zentro teknologikoa, berrikuntza-ekosistemak sortzeko, garatzeko eta sendotzeko funtsezkoak diren zazpi kontzeptu zein diren azaldu ditu: “konfiantza, komunitatea, eragileen aniztasuna, alderdi ekonomikoa, gune partekatuak, baterako helburuak eta enpresen autonomia” “Gastronomic tech centers” izeneko hitzaldian.

“Japanese Ecosystem Agents” izeneko mahainguruan, Cambridge Innovation Center-eko (CIC) Masaru Nagura, Scrum Ventures-eko Hitoshi Hokamura, eta Japoniako Nekazaritza, Baso eta Arrantza Ministerioko Kazuki Yoshida aritu dira beren arlotik ekintzailetza, berrikuntza eta sinergien eta komunitatearen sorrera bultzatzeko antolatzen diren jarduerak bezalako gaiak aztertuz.

“Japanese investors & corporates” izeneko bigarren mahainguruan, Barry O’Neill, Value Create Ventures-eko kidea; Yoko Fukata, Sony Innovation Fund-eko kidea; Hiroki Osada, Kemuri Ventures-ekoa; eta Hiroyuki Ajinamoto aritu dira, besteak beste, sektoreko erronkak eta aukerak zein diren jorratuz.

Ondoren, Shinya Shoda, Nara National Research Institute for Cultural Properties-etik, gastronomiara aplikatutako biomolekulen zientziei buruzko erronkei buruz mintzatu da “Biomolecular Archaeo-Gastronomy erronka” izeneko hitzaldian.

Eneko Axpe, Basque Culinary Centerreko kolaboratzaile den fisikariak, “AI, farm to fork” hitzaldiarekin itxi du edukien jardunaldia. Hasteko, “Electrococina”, Axpek Julen Baz sukaldariarekin batera garatutako teknika berria, deskarga elektrikoak erabiltzen dituen gailu berritzaile baten bidez elikagaiak denbora errekorrean kozinatzen dituenaren funtzionamendua azaldu du. .Axpek azpimarratu du nola adimen artifiziala (IA) gastronomia eraldatzen ari den, eskualde desberdinen mapaketa zehatza ahalbidetuz eta, horri esker, laboreen optimizazioa erraztuz. Gainera, IA-k elikagai jakin batzuen genetika hobetzen laguntzen du, izurriteei eta klima-aldaketari erresistenteagoak izan daitezen. Sortze-arloan ere, teknologia hau sukaldaritzan erabiltzen da, chef-ek plater berritzaileak garatzeko baliabide gisa. Horrela, IA-k zaporeen eta testuren diseinuan ez ezik, elikagaien banaketan ere eragiten du, eta gastronomiarekin dugun harremana berrikusten laguntzen du.

Sektoreko hainbat profil bildu ditu ekitaldiak: ekintzaileak, inbertitzaileak eta agritech sektoreko adituak. Azaroaren 6an antolatutako Tokioko geldialdi honetan parte hartu duten startupek –Cuzen Matcha, Fermenstation, Kinish, Quantum Flowers & Food eta Electric Salt– beren proiektuak aurkeztu dituzte adituen epaimahai baten aurrean. Epaimahaia hauek osatu dute: Ander López Basque Culinary Centerreko ekintzailetza-arduraduna; Rocky Sawada, Tokyo Food Institute-ko Senior Manager-a; Masaru Nagura, Cambridge Innovation Centerrekoa (CIC) eta Alessandro Fusco, Future Food Institute Tokyoko Ecosystem Lead-a.

Hurrengo txapelketak azaroaren 19an Bareinen, 2025eko otsailean Londresen eta 2025eko martxoaren amaieran Bostonen izango dira. Tokiko ekitaldi bakoitzeko startup irabazleek ikerketa eta berrikuntza proiektuak garatzeko aukera izango dute, 20 orduz, BCC Innovation Basque Culinary Centerreko Gastronomiako zentro teknologikoan. Gainera, denbora horretan, startupek Basque Culinary Center eta GOe-ren ekosistemako adituen eta aholkularien sarerako sarbidea izango dute, eta hainbat motatako laguntza jasoko dute, hala nola zentroko inbertitzaileen sarerako sarbidea, network edo tokiko ekosisteman lur hartzeko laguntza.

Azkenik, tokiko sei startup finalistak final handi batean lehiatuko dira. Finala 2025eko apirilean izango da, Donostian, eta herrialde bakoitzeko irabazleak aurrez aurre jarriko dira. Finalean, “On The Road” ekimenaren laugarren edizioko startup irabazlea aukeratuko da, eta startupen inkubagailuan sei hilabetez egoteagatik sarituko da. Horrez gain, 25 orduko txartel gehigarri bat emango da ikerketa teknologikoko proiektuetarako.

Tokioko geldialdiko startup parte-hartzaileak

Cuzen Matcha, Japonian ekoitzitako matcha te organikoa, kalitate handiko matcha autentikoaren zaporea eta erabilera modernoaren erraztasuna eskaintzen ditu. Jasangarritasuna ardatz hartuta, Cuzen-ek matcha fresko eta zaporetsuaren tradizioa zuzenean etxera ekartzen du.

Fermenstation,  I+G arloko startup bat da, ekonomia zirkularra sustatzen duena baliabide ez erabilien birsortze eta birziklapen prozesua bere hartzidura-teknologia originalaren bidez bultzatuz.

Kinish,  Landareen nekazaritza molekularraren bidez moldatutako arrozetik esne-proteinak ekoizten ditu, ingurumen-inpaktu minimoa izanda esnearen alternatiba jasangarri bat sortuz.

Quantun Flowers & Food, Neutroien hobekuntza-teknologia erabiliz, laboreen ezaugarriak azkar hobetzen ditu, errendimendua, erresilientzia eta balio nutrizionala handituz, nekazaritza jasangarri bat sustatzeko helburuarekin.

Electric Salt, Gatza gutxi duten elikagaien zaporea indartzen duen koilara bat eskaintzen du, korronte elektriko leun baten bidez. Horri esker, erabiltzaileek zapore gazia eta umamia gozatu ditzakete sodiorik gehitu gabe. Aski da ohiko tresnak koilara honengatik ordezkatzea, gatz gutxiko otorduak gozoak eta asegarriak izateko.