“Euroeskualdeko Berrikuntza” 2024 proiektu deialdia

• Euroeskualdeko berrikuntza» proiektu deialdia zabalik dago 2024ko irailaren 9tik urriaren 17ra
• Informazio guztia emateko, irailaren 10ean, 10:00etan, aurkezpen web-mintegi bat egingo da.  Hemen eman dezakezu izena

• 400.000 euro banatuko dira Euroeskualdeko sektore estrategikoekin zerikusia duten proiektuen artean : osasuna, fabrikazio aurreratua, nekazaritza, energia berriztagarriak, etxebizitza jasangarria, sormen eta kultur industriak

Euroeskualdeak gaur abiatuko du "Euroeskualdeko berrikuntza" proiektuen deialdia, 400.000 euroko aurrekontuarekin, eta 2024ko urriaren 17ra arte egongo da zabalik. Deialdi honen helburua hiru lurraldeetako espezializazio adimenduneko estrategiekin (RIS4) bat egiten duten sei sektore estrategiko eta emergentetan proiektuak eta eragileak bultzatzea da.

"Urrunago iristeko lankidetzan aritu" lelopean, proiektu-deialdiaren helburua euroeskualdeko ekonomia lehiakorra garatzen laguntzea da. Hiru lurraldeen arteko osagarritasunean eta sinergietan oinarritutako lankidetza-proiektu bultzatzaileak abian jartzea bultzatu nahi du.

«Deialdi honen bidez, gure helburua Euroeskualdearen garapen lehiakorra eta erresilientea indartzea da, eraldaketa digitalaren testuinguruan, iraunkortasunean, ezagutzaren sorkuntzan eta berrikuntzan oinarritutako espezializazio adimenduna sustatuz, baita ekonomia zirkularra ere», azaldu du Arola Urdangarinek, Akitania-Berria Euskadi Nafarroako Euroeskualdeko zuzendariak.

2024an, Euroeskualdeak bere sei sektore estrategikoetan lortutako emaitzekin jarraitu eta horietan sakondu nahi du: osasuna, fabrikazio aurreratua, nekazaritza, energia berriztagarriak, eraikuntza jasangarria eta sormen- eta kultura-industriak. Horretarako, mugaz gaindiko lankidetza indartuko da, berrikuntza teknologikoa babestuko da eta praktika iraunkorrak hartuko dira.

2015ean sortu zenetik, «Euroeskualdeko Berrikuntza» proiektu-deialdiak 51 ekimen lagundu ditu, 4,1 milioi euro guztira. 2023an, Akitania Berriko, Euskadiko eta Nafarroako hiru aldeko partzuergoek aurkeztutako 22 proiektuetatik 7k finantzaketa jaso zuten.

WEBMINTEGI BAT INFORMAZIO GUZIRAKO

Euroeskualdeak web-mintegi bat antolatuko  2024ko irailaren 10ean dispositiboa aurkezteko eta proiektu-arduradunekin trukeak egiteko. Aldez aurretik izena eman behar da. Arola Urdangarinek aipatzen duenez, " web-mintegiak galderak egiteko eta erantzunak emateko.

unea izango du. Horregatik, proiektu-buruak parte hartzera eta talde teknikoarengana hurbiltzera animatzen ditugu, beren proiektuak aurkezteko ".

Proiektuen prestaketa eta kudeaketa errazteko, sustatzaileentzako gida bat dago eskuragarri. Gida honek informazio praktikoa ematen du etapa bakoitzerako, eskaera egiten denetik proiektua itxi arte. Irakurtzeko eta barneratzeko erraza den dokumentu bat izateko diseinatuta dago, funtsean ikuspegi praktiko batekin.

Informazio gehiago nahi izanez gero, hemen erregistra zaitezke web-mintegian parte hartzeko.

EDOZEIN KONTAKTU ETA/EDO KONTSULTARAKO

Leyre Azcona

00 33 32 20 13 43

leyre.azcona@euroregion-naen.eu