Nerea Melgosa Zaintel-eko arduradunekin bildu da: Euskadiko familia zaintzaileentzako arreta eta laguntzarako telefonoa
- Bi urte beteko dira zerbitzua abian jarri zenetik. Zerbitzua telefonikoa, doakoa, irisgarria, berehalakoa, pertsonalizatua, profesionala, konfidentziala eta kalitatezkoa da
- 900 100 356 telefonoan, zaintel@euskadi.eus helbide elektronikoan eta WhatsApp 619 419 628 zenbakian dago eskuragarri
Nerea Melgosa Ongizate, Gazteria eta Erronka Demografikoaren sailburua Zaintel - Euskadiko familia zaintzaileentzako arreta eta laguntzarako telefono-zerbitzuaren instalazioetan izan da gaur, eta Bizitzen fundazioko bere koordinatzaileekin bildu da. Topaketa Durangon izan da. Zerbitzura 900 100 356 telefono-zenbakiaren, zaintel@euskadi.eus helbide elektronikoaren eta WhatsApp 619 419 628 zenbakiaren bidez hel daiteke.
Horrela, Nerea Melgosak zerbitzu horren balioa nabarmendu du; martxan jarri zenetik bi urte bete direnean, etengabe hazi da, ezagutzen diren azken erabilera-datuen arabera. Aurtengo lehen seihilekoan, erantzundako kontsultak % 39,87 hazi dira, 2023ko lehen erdiarekin alderatuta.
Zaintel telefono bidezko arreta eta laguntzarako zerbitzua da, zaintzaileen eta haien senideen bizi-kalitatea hobetzea helburu duena. Mendekotasuna eta/edo desgaitasuna duten Euskadiko pertsonen familia-zaintzaile guztiei zuzenduta dago. Eta Euskadiko zaintzaile ez-profesionalei laguntzeko estrategiaren barruan dago, 2010etik martxan zegoen Jakiten programari jarraipena emanez. Doako baliabidea da, eskuragarria, berehalakoa, pertsonalizatua, profesionala, konfidentziala eta kalitatezkoa.
-
2024-08-06Ondo dago atseden-programak izatea, familiaren arteko gatazkarik ez amaitzeko, eta, azkenean, bere teilatura harriak botatzea, eskaerei leku ematen zaienean, baldin eta leku egokietan hitz egin ere egiten ez badira, akordioak egin badaitezke auzirik egin gabe. Badirudi negozio juridikoa loratu egiten dela zientziarenaren aurrean, eta jaten ematen digula arazo larri globalak arreta desbideratzea bezalako praktikan ez jartzeak.
-
2024-08-06
Está bien tener programas de respiro no acabar conflictividad entre la propia familia acabe tirando piedras a su propio tejado cuando se dé cabida a demandas si ton ni son siquiera hablando en lugares adecuados se puedan llegar a acuerdos sin tener que pleitear. Hasta parece que el negocio jurídico florece frente al de la ciencia nos da de comer no poner en práctica como que se tratara de desviar la atención problemas acuciantes globales.
