Larrialdi batean, badakizu nori deitu?
Berriak Ekonomiaren Garapena, Jasangarritasuna eta Ingurumena
qrcode

Artzain Eskolak amaiera eman dio ikasturteari eta Euskadin artzaintza bizirik mantentzeko apustua indartu du

2024-06-18

• Aurten 7 gaztek ardi- eta ahuntz-sektorean etorkizun profesionala garatzeko diplomatura lortu dute.

• Oraingo honetan, ikasleen gaztetasuna nabarmentzen da, Arantzazuko eskolak belaunaldien arteko erreleboa bermatzeko egindako bultzada babesten duen datua.

Artzain Eskolak ardi eta ahuntzen sektorean artzainak prestatzeko hogeita zazpigarren ikastaroaren amaiera ospatu du gaur goizean. Aurrekoetan bezala, ikasketak amaitu dituzten 7 ikasleei diplomak eta makilak banatu zaizkie ekitaldian. Diplomatu berri hauek urte hauetan Arantzazuko Gomiztegi baserrian ikasi duten 300 ikasle baino gehiagoren kopurua osatuko dute.

Denbora honetan, eskola erreferente bihurtu da estatuan ardi eta ahuntzen irakaskuntzan, eta bere hezkuntza-eredua, berrikuntza pedagogikoan eta ingurumenarekin arduratsuak diren ekoizpen-prozesuei aplikatutako teknologietan oinarritua, oinarri izan da beste leku batzuetan antzeko esperientziak garatzeko.

Ikastaroaren amaiera ekitaldian, Eusko Jaurlaritzako Nekazaritza, Arrantza eta Elikagaien Politikako sailburuorde Bittor Orozek parte hartu du, eta ikasleen gaztetasuna oso positibotzat baloratu du. "Artzain Eskolaren sorrera bultzatu zuen arrazoi nagusietako bat Euskadin artzaintza bizirik mantentzea eta belaunaldien arteko erreleborik ezak markatutako sektorea gaztetzea izan zen. Oso garrantzitsua da gazteek lanbide honetan jarraitzea eta modernizazioa eta sektorearen ikuspegi alternatiboa ematea".

Zentzu horretan, Artzain Eskolak ezinbestekotzat jo du berrikuntza eta bere ikastaroak errealitate sektorial berrietara egokitzea, artzaintza bezalako jarduera tradizional eta milurtekoari eustea ezinezkoa baita modernizatu gabe. Azken batean, hezkuntza-ereduak etorkizuna eta lehiakortasuna dituen sektore baten errealitate berriari aurre egiteko gai diren profesionalak trebatzen ditu.

Artzain Eskola artzaintzari eta lehen sektoreari buruzko hausnarketarako gunea da, heziketa enpirikoan oinarritutako hezkuntza-eredua eskaintzen duena, baserrian etengabe jardunez, prozesu osoaren ezagutza integralarekin (animaliatik hasi eta esnekiak saldu arte) eta bizipen profesionalaren, eraginkortasunaren eta lankidetzaren transmisioarekin.

Ikasleen profila

Gaurko ekitaldian diplomak eta makilak banatu zaizkie aurten Artzain Eskolako heziketa zikloa osatu duten 7 ikasleei. 4 mutil eta 3 neska dira, eta eskuratu duten ezagutza emango dute merkatuak eskatzen duen lurraldeari lotutako kalitate handiko elikagaien eskaera gero eta handiagoari erantzuteko.

Nabarmendu behar da gaur diplomak jaso dituzten pertsonetatik bost 30 urtetik beherakoak direla, horietako 3 Kataluniatik, Andaluziatik eta Argentinatik iritsi direla. Kopuru horiek Arantzazuko eskolak ardi eta ahuntzen sektorea gaztetzeko eta belaunaldien arteko erreleboa bermatzeko betetzen duen zeregin garrantzitsua bermatzen dute aurten ere.

2 iruzkin
  • Argazkia SN Robot
    @BittorOroz
    2024-06-18

    Comentario de X:
    🐑 Durante 27 años #ArtzainEskola ha impulsado el rejuvenecimiento del sector ovino y caprino.

    Los jóvenes pastores y pastoras que se han graduado hoy son parte del relevo generacional necesario para dar continuidad, adaptar y modernizar la profesión.

    🔗https://t.co/aSHV0UDMg6 https://t.co/n9hzwX3wHN

  • Argazkia SN Robot
    @BittorOroz
    2024-06-18

    Comentario de X:
    🐑 27 urtez #ArtzainEskola-k ardi eta ahuntzen sektorea gaztetzea bultzatu du.

    Gaur graduatu diren artzain gazteak belaunaldien arteko erreleboaren parte izango dira, tradiziozko lanbide honi jarraipena ematen, egokitzen eta modernizatzen.

    🔗 https://t.co/yrCitaWqbm https://t.co/yUJFuHrgXj

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XII legealdia 2020 - 2024)