Larrialdi batean, badakizu nori deitu?
Berriak Ekonomiaren Garapena, Jasangarritasuna eta Ingurumena
qrcode

Euskadiko AKIS foroaren bigarren topaketa, nekazaritzako ezagutzaren eta berrikuntzaren transferentzian aurrera egiteko

2024-06-14

AKIS Foroaren lanari jarraipena emateko, Eusko Jaurlaritzako Ekonomiaren Garapen, Jasangarritasun eta Ingurumen Sailak "Euskadiko ezagutzaren transferentziarako AKIS Foroa" izeneko bigarren jardunaldia egin du gaur.

Jardunaldia Arkautiko Nekazaritza Campusean izan da eta bertan egon dira Jorge Garbisu, Eusko Jaurlaritzako Nekazaritza zuzendaria; Raúl Pérez Iratxeta, Eusko Jaurlaritzako Elikagaien Kalitate eta Industriako zuzendaria, eta Andoni Agirrebeitia, Bizkaiko Foru Aldundiko Nekazaritza zuzendaria, bai eta Euskadiko nekazaritzako elikagaien sektoreko eragile eta ordezkari nagusiak ere: UAGA, ABERE, LORRA, EHNE, ADRs, AGA, KonfeKoop, Ekolurra, LURSAIL, UDAPA eta GARLAN.

Bigarren bilera horretan, Europako Batzordearen eta Nekazaritza, Arrantza eta Elikadura Ministerioaren Nekazaritza Politika Bateratuaren (NPB) kudeaketan izandako aldaketa nagusiak azaldu ditu Garbisuk, eta Perez Iratxetak, berriz, Eusko Jaurlaritzak laster argitaratuko dituen lankidetza-laguntzetan jarri du arreta.

Ondoren, Arabako ustiategiek ingurumen-aztarna minimizatzeko egindako aurrerapenak ere ezagutu ahal izan dira, GEN I Agroalavés proiektuaren esparruan. Proiektu horretan, NEIKERek parte hartzen du idazkari teknikoaren lanetan, UAGA, ABERE eta GARLANekin batera. Bazkideek azaldu duten bezala, helburua karbonoaren balantzea aztertzea da, Araba CO2 isurketen benetako datuak lortzeko, baina baita xurgapenei, harrapaketei eta biltegiratzeari buruzkoak ere, proben banku gisa urratsak ematen hasteko erronka bere gain hartuta, lehen sektoreak gizarteari egiten dion ekarpenari datu errealak eskaini ahal izateko. Proiektu hau funtsezkoa da sektoreak jasangarritasunaren bidean dituen hobekuntza-puntuak identifikatzeko, bai eta lurzoruek karbonoa bahitzeko duten potentzial handia dela-eta egiten duten lana azaltzeko ere.

Bigarren AKIS foroari amaiera emateko, landa-bisita bat egin da NEIKERen epe luzeko nekazaritza-saiakuntzen sarea ezagutzeko (Baltsan sarea, hain zuzen ere), I+G+Bn oinarritutako ezagutza sortzeko. Sare horrek 7 entsegu ditu guztira, eta, oraingoan, horietako bi ezagutu ahal izan dira. Lehena, artzaintza birsortzaileari buruzkoa, Nerea Mandaluniz NEIKEReko ikertzailearen eskutik; bigarrena, sistema konbentzional eta ekologikopeko txandakako laborantza estentsiboei buruzkoa (zerealak eta lekadunak), Haritz Arriaga NEIKEReko ikertzailearekin.

AKIS Foroaren helburuak

Nekazaritzako Ezagutza eta Berrikuntza Sistemak, AKIS (Agricultural Knowledge Information System) izenez ere ezagutzen direnak, 2008an sortu zen Europako ekimen bat dira, nekazaritzako elikagaien esparruko erronkei aurre egiteko, sektore lehiakorra lortzeko, gizartearen eskaeretara eta sektorearen erronketara egokitzeko gai izango dena. Denboraren joanean, garrantzi hori handituz joan da, eta Nekazaritza Politika Bateratuaren (NPB) barruan (2021-2027) funtsezko zeregina dute, eta NPBren Plan Estrategikoaren Zeharkako Helburuan sartzen dira.

AKISak eragile sektorialen arteko topagunea ezartzeko sortu dira, nekazaritzako elikagaien katearen funtzionamendu egokiaren eta sektorearen iraunkortasunaren alde aurrera egiteko ezagutza sortu eta zabaltzeko helburuarekin.

Euskadin, AKISek gure errealitateari lotutako helburu propioak ditu. Horien artean, pertsonak aholkulari gisa profesionalizatzea, nekazaritzako elikagaien sektorearen eta landa-eremuen modernizazioa bultza dezaten eta Euskadiren erronkak lortzen lagun dezaten.

Nekazaritzako elikagaien sektoreko pertsonak profesionalizatzen ere saiatzen da, sektorea eta landa-eremuak modernizatzen laguntzeko eta Euskadi Erronkei laguntzeko. Azkenik, Euskadiko AKISek lankidetzako berrikuntza bultzatzen du, EIP Agri talde operatiboak sortuz.

4 iruzkin
  • Argazkia Xaver
    2024-06-17

    Laborantza-aldaketa erradikal batek ingurumenean izan ditzakeen eraginak aztertzea, baldintza atmosferikoak zehatzago asmatzeaz gain, labore-aldaketak gaur eta agian bihar klimaz bizi denarekin izan dezake zerikusia.

  • Argazkia Xaver
    2024-06-17

    Estudiar impactos para el medio ambiente un cambio radical de cultivo, además de que pueda resultar acertar con más precisión condiciones atmosféricas fenomenología adversa, el cambio cultivos puede tener que ver con lo que se vive del clima hoy y quizás mañana.

  • Argazkia SN Robot
    @BittorOroz
    2024-06-14

    Comentario de X:
    🌾#ForoAKIS - el sector agrícola vasco avanza hacia una producción más #sostenible gracias también a la transferencia del conocimiento y la innovación.

    Hoy hemos podido conocer diferentes proyectos en el encuentro celebrado en Arkaute.
    @neiker_BRTA

    https://t.co/K6dBEyq6RN https://t.co/VWRiTSXWUW

  • Argazkia SN Robot
    @BittorOroz
    2024-06-14

    Comentario de X:
    🌾 #ForoAKIS - Euskadiko nekazaritza-sektorea ekoizpen jasangarriago baterantz aurrera doa ezagutzaren eta berrikuntzaren transferentziari esker.

    Gaur hainbat proiektu ezagutzeko aukera izan dugu Arkautin ospatutako topaketan.
    @neiker_BRTA

    🔗 https://t.co/mbrZJKvDn5 https://t.co/DspT9WLuaj

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XII legealdia 2020 - 2024)