Larrialdi batean, badakizu nori deitu?
Berriak Ekonomia eta Ogasuna
qrcode

Astekonomiak euskal ekonomiak maiatzean izandako hobekuntza jasotzen du, lehen lauhilekoan enpresa gehiago eratu baitira; KPIak, berriz, gora egin du

2024-06-14

Euskal ekonomiak maiatzean izan duen hobekuntzak, aurreko hilean baino sei puntu gehiagorekin, Astekonomiaren goiburukoa da aste honetan. Asteko adierazle ekonomiko garrantzitsuenen laburpena da, lehen lauhilekoan eratutako enpresen gorakada ere jasotzen duena. Bestalde, KPIak ez zuen atsedenik hartu maiatzean; hain  zuzen, lau hamarreneko gorakada izan baitzuen.

Alde batetik, maiatzean, euskal ekonomiaren termometroa hazkunde solidoko eremutik gertu kokatu zen, 97,4 puntuko baliora iritsita. Barne-eskariaren hazkundeak eta esportazioen hobekuntza nabarmenak azaltzen dute azelerazio hori.

Bestalde, 2024ko lehen lauhilekoan 1.277 enpresa eratu ziren Euskadin, aurreko urteko aldi berean baino ia % 13,8 gehiago. Horrela, eten egin da hiru urtez jarraian izandako joera, ia aldaketarik gabeko erregistroekin, eta 2014tik eratutako enpresa-zifrarik handiena lortu da.

Bestalde, INEk argitaratutako azken datuen arabera, KPIak gorantz jarraitu zuen, eta maiatzean % 3,9koa izan zen, aurreko hileko erregistroa baino lau hamarren handiagoa. Bilakaera hori elektrizitatearen prezioen igoeraren eta erregaien jaitsiera txikiagoaren isla da. Halaber, azpiko inflazioak gora egin zuen, % 3,1etik % 3,3ra, hain zuzen.

Asteroko laburpen hau minutu bateko iraupena duten bideo hauen oinarria da, eta gaurkotasun ekonomikoaren hedapena eta jarraipena erraztea du helburu.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko