Berriak Ekonomiaren Garapena, Jasangarritasuna eta Ingurumena
qrcode

Basque Culinary Centerrek XII. Eusko Label Lehiaketa ospatu du

2024-05-29

Basque Culinary Centerrek eta HAZIk antolatutako XII. Eusko Label Lehiaketa ospatu da gaur arratsaldean. Bertan, BCCko lehen mailako ikasleek, zortzi taldetan banatuta, Eusko Label zigiluarekin ziurtatutako produktuekin egindako lau pintxotan oinarritutako menua prestatu behar izan dute zuzenean.

Lehiaketa honen bidez, ikasle gazteak, euskal gastronomiaren preskriptore izango direnak, Euskadiko kalitatezko produktuekin ohitu nahi dira, eta bertako eta sasoiko produktuari balioa eman nahi zaio, landa-eremu jasangarrian landua, zapore-bermerik handienak eskaintzen dituena.

Eusko Jaurlaritzako Nekazaritza, Arrantza eta Elikagaien Politikako sailburuorde Bittor Orozek hasiera eman dio lehiaketari, ikasleei zuzendutako ekimen honen ibilbide luzea nabarmentzen eta azpimarratu du oso garrantzitsua dela lanbide-heziketaren munduaren eta sektore ekoizlearen arteko lankidetza, tokiko elikagaiei eta Euskadiko Elikadura Kateari balioa emateko.

Lehiaketa amaitu eta talde irabazlea ezagutu ondoren, Oroz sailburuordeak eta Joxe Mari Aizega Basque Culinary Centerreko zuzendariak sariak banatu dizkiete irabazleei. Guztira, lau sari eman dira kategoria hauetan:

• Tradizioaren eta ahosabaiaren oroimenaren saria.
• Proposamen gastronomiko onenaren saria.
• Zerbitzu-proposamen onenaren saria (eta uztartzea).
• Ikus-entzunezko proposamen onenaren saria.

Talde irabazleentzako saria kalitate bereizgarriak dituzten produktuen saski bat izan da.

2 iruzkin
  • Argazkia SN Robot
    @BittorOroz
    2024-05-29

    Comentario de X:
    🥇🍴 Zorionak a los y las ganadoras del Concurso #EuskoLabel!

    Sus 12 ediciones demuestran la importancia de la colaboración entre el ámbito de la formación y el sector productor para poner en valor los productos y la Cadena Alimentaria de #Euskadi.

    🔗 https://t.co/1fjnA28sbt https://t.co/aGrEjfcZTZ

  • Argazkia SN Robot
    @BittorOroz
    2024-05-29

    Comentario de X:
    🥇🍴 Zorionak #EuskoLabel Lehiaketako irabazleei!

    Hamabi edizioren ondoren egiaztatzen da #gastronomia munduko prestakuntza eta ekoizleen arteko lankidetzaren garrantzia bertako produktuak eta Euskadiko Elikadura Katea balioan jartzeko.

    🔗 https://t.co/Gxk7IuYNkX https://t.co/Uxs0lsJavw

Iruzkinak itxita daude dokumentu honetan
Ekitaldiko kargudunak
(XII legealdia 2020 - 2024)