Berriak Berdintasuna, Justizia eta Gizarte Politikak
qrcode

Nerea Melgosa Afrika Egunean izan da aurten ere

2024-05-25
  • Melgosa sailburuak gaur goizean Bilboko Etxebarria parkean eta Gasteizko La Florida parkean antolatutako ekitaldietan parte hartu du

Bilbo / Vitoria-Gasteiz, 2024/05/25

Nerea Melgosa, Eusko Jaurlaritzako Berdintasun, Justizia eta Gizarte Politiketako jarduneko sailburua, Afrika Egunean izan da gaur goizean. Oraingo honetan dozenaka lagun bildu dira Bizkaiko hiriburuko Etxebarria parkean eta Gasteizko La Floridan parkean ere. Melgosarekin batera, Xabier Legarreta Eusko Jaurlaritzako Migrazio eta Asiloko zuzendaria izan da.

“Gero eta indar handiagoz gorroto, arrazismo eta xenofobia mezuak nagusi diren Europa batean bizi gara. Azpimarratu eta aldarrikatu egiten dugu aniztasuna, gure herriaren berezko ezaugarri gisa”, esan du Nerea Melgosak Bilboko festaren erdi-erdian.

Euskadiko afrikar komunitateak hainbat ekitaldi antolatu ditu joan den igandetik, maiatzaren 19tik, Afrika Eguna, Bilbo Harrotasuna, ospatzeko. Astea jarduerez beteta egon da, Afrikako moda-desfile batetik hasi eta hitzaldi, emanaldi, erakusketa eta kontzertuetaraino. Bi futbol-txapelketa ere jokatu dira, gizonezkoak eta emakumezkoak, eta haietan parte hartu dute Ghanak, Kamerunek, Ekuatore Gineak, Ginea Bissauk eta beste hainbatek.

Afrika Eguna 11:00etan hasi da, danbor-hotsekin. Ondoren, Afrikako ereserkia entzun, manifestua irakurri eta mahai-inguru bat egingo da gai honen inguruan: Emakumeen eskubideak eta askatasunak bultzatzea kontinentean eta diasporan.

Arratsaldean, Sailburua Florida parkean antolatutako ospakizunera joan da, 09:00etan hasi dena. Egun osoan zehar, Farmazia Azoka izan da, eta jende ugari bildu da. Arratsaldean, sailburuak jai-eremua bisitatu du. Bertan, antzerkia, moda desfilea eta hainbat dantza antolatu dira.

 “Gasteizen, 46 herrialde desberdinetako 14.000 pertsona inguru bizi dira, eta horrek giza aberastasun aparta eta gure herrien kultur aniztasuna partekatzeko balio du”, Nerea Melgosak adierazi duenez, eta jardunaldiaren hainbat alderdi aipatu ditu Manuel Iradier Elkarte Afrikanistako kide Lutxo Royerorekin.

Aurten, Afrikako diasporaren elkarteak, gaur, larunbata, antolatu duen jaialdian oinarritu da Gasteizko Afrikaren Astea. Florida parkeko kioskoan egin da jardunaldia. Afrikako Batasunaren Erakundearen (OUA, egun UA siglez ezagutzen dena) sorrera oroitzen du. 1963ko maiatzaren 25ean eratu zen, Afrikako kontinentea demokraziaren eta elkartasunaren barruan bateratzeko helburuarekin.

Goizean goizetik azoka batean hainbat erakundek garatzen duten lana erakutsi da, besteak beste Mboolo, Mujeres de Kennya eta Gambia-Euskadi elkarteek. Gainera, Afrikako jantzi, maskara eta bitxi tradizionalak ikusgai jarri dituzten erakusketak egon dira. Beren jarduerak Afrikako kontinentean garatzen dituzten erakunde autoktonoek parte hartu dute, besteak beste Solidaridad Internacional-Nazioarteko Elkartasunak. Erakusketa batek zeremonietan zein eguneroko bizitzako jardueretan eragina izan duten pertsonen erretratuak bildu ditu.

Antzerkia

Antzezlan batek Mendebaldeko Afrikako emakumeen egunerokotasuna eman du ezagutzera, Gasteizko Diaspora Afrikarraren Partzuergoko Manos Sobre el Corazón eta Haaly Pular erakundeetako boluntarioen eskutik. 

Arratsaldean afrobeat eta amapiano dantza-lehiaketa egin da, eta afrikar eta euskal dantzaldiak ere izan dira. Ondoren, moda mistoko desfile-lehiaketa egin da, Afrikako eta Euskal Herriko arropa tradizionalekin, DJ Logs-en musikak girotua. Konakry Nakany Kanté artista ginearraren eta euskarazko regetoi feministaren aitzindari Kai Nakai gasteiztarraren (Iratxe Aguileraren izen artistikoa) musika-emanaldiak itxi du jardunaldia.

Haaly Pular, Mboolo Elkartea, Yoruba, Afrika Miniaturan, Mauritania Euskadi, Gambia Euskadi, Mujeres de Kennya, Ghana Unión, Telimelé Euskadi, Afrika Euskadi, Mano sobre el Corazón, Benkadi eta Ohaigbo Vitoria-Gasteiz kolektiboek antolatu dute Afrika Eguna, Manuel Iradier Elkarte Afrikanistaren laguntzarekin. Gasteizko Udalak, Vital Fundazioak eta eLankidetza-Eusko Jaurlaritzaren Lankidetza eta Garapenerako Euskal Agentziak parte hartzen dute finantzaketan.

Jardunaldia Bilbon eta Gasteizen amaitu da DJ Andeson & DJ Karmelerekin, Etxebarria parkean, eta Nakany Kanté eta Kai Nakairekin, La Floridan.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XII legealdia 2020 - 2024)
Beste gonbidatu batzuk
  • Alvaro Iradier