Berriak Berdintasuna, Justizia eta Gizarte Politikak
qrcode

Indarkeria matxistaren biktima diren emakumeei doako laguntza juridikoa adingabeei eta ezgaitasuna duten pertsonei ere zabaldu zaie

2024-05-15
  • Berdintasun, Justizia eta Gizarte Politika Sailak eta Abokatutzaren Euskal Kontseiluak lankidetza hitzarmen berria sinatu dute
  • Gainera, abokatuek jasotzen dituzten konpentsazioak %14 gehituko dira, urtarrilaren 1etik aurrera

 Vitoria-Gasteiz, 2024/05/15

Nerea Melgosa Eusko Jaurlaritzako Berdintasun, Justizia eta Gizarte Politiketako sailburuak eta Maite Morillo Abokatutzaren Euskal Kontseiluko lehendakariak hitzarmen berri bat sinatu dute gaur Lakuan, indarkeria matxistaren biktima diren pertsonei doako laguntza juridikoa emateko.

Bi erakundeen arteko hitzarmen berriaren berritasun nagusietako bat arreta-eremua zabaltzea da. Horretarako, emakumearen aurkako indarkeriaren, familia barruko indarkeriaren eta sexu-askatasunaren aurkako delituen biktima diren pertsona guztiei laguntza emango zaie, eta hitzarmen berri honetan Euskadin indarkeriaren biktima diren haur, nerabe eta desgaitasuna duten pertsonak sartuko dira. Horrela, babes berezia emango zaie, indarkeria matxistaren biktima diren emakumeei eskaintzen zaienaren antzekoa. Gainera, arreta ematen dieten profesionalen berariazko prestakuntza bermatzen da.

Ziurtatu nahi da biktimek informazioa eta laguntza juridiko espezializatua jasoko dutela, eskura dituzten tresna juridikoei buruz eta salaketa egin aurretik horiek erabiltzeak ekar ditzakeen ondorioei buruz behar bezala aholku eman diezaieten, bai eta salaketa partikularrean defendatzea ere, nahi badute.

Hitzarmen berri honen beste berrikuntzetako bat da zerbitzu hori emateko abokatuek jasotzen dituzten konpentsazioak %14 gehitzeko akordioa, aurtengo urtarrilaren 1etik aurrerako atzeraeraginarekin. Era berean, egindako bilkura-sarien ordainketa sei hilabetetik hiru hilabetera aldatuko da. Atal honetarako, 2.300.000 euroko aurrekontu-partida dago 2024an.

24 orduko guardia-zerbitzura 902 103 908 telefonoaren bidez sartzen da. Telefono horrek erantzuna ematen die polizia-, zerga- edo justizia-agintariek edo Biktimari Laguntzeko Zerbitzuak egindako eskaerei.

Aldi berean, 15 profesional titular eta 8 errefortzu daude barruti judizial guztietan: 7 letratu titular eta guardiako 4 errefortzu Bizkaian; 5 titular eta guardiako 2 errefortzu Gipuzkoan; eta 3 titular eta 2 errefortzu Araban. Profesional guztiek jasotzen dute egoera horiei erantzuteko prestakuntza espezializatua.

20 urte baino gehiago

Eusko Jaurlaritza eta Legekarien Euskal Kontseilua 2003an hasi ziren elkarlanean. Geroago, bai genero-indarkeriaren biktima diren emakumeei ematen zaien arreta hobetzeko Erakundeen arteko II. Akordioak, bai Euskal Autonomia Erkidegoko Emakumeen eta Gizonen Berdintasunerako VII. Planak, zerbitzuari bultzada berri bat eman zioten, eta, horren ondorioz, hitzarmen berri bat sinatu zen 2020an.

Berdintasun, Justizia eta Gizarte Politiketako Sailak eta Abokatuen Elkargoek egokitzat jo dute hartutako konpromisoak eguneratzea, Euskal Autonomia Erkidegoan emakumeen aurkako indarkeria matxistaren biktimei arreta emateko erakundeen arteko III. Akordioan eta akordio horretatik eratorritako Jarduera Koordinatuko Protokoloan xedatutakora egokitzeko.

 

2 iruzkin
  • Argazkia SN Robot
    @BerdintasunEJGV
    2024-05-15

    Comentario de Twitter:
    ⬆️Gainera, abokatuek jasotzen dituzten konpentsazioak %14 gehituko dira, urtarrilaren 1etik aurrera

    👉https://t.co/Y4wSPZ1rdm

  • Argazkia SN Robot
    @BerdintasunEJGV
    2024-05-15

    Comentario de Twitter:
    ⚖️La #asistenciajurídicagratuita a mujeres víctimas de violencia machista se amplía a personas menores y a personas con discapacidad  🧵👇1

    #violenciamachista #personasmayores #personascondiscapacidad #indarkeriamatxista #adingabeak #ezgaitasunak 

    👉https://t.co/fg9VuKyoTb https://t.co/mbBsRu1E4y

Iruzkinak itxita daude dokumentu honetan
Ekitaldiko kargudunak
(XII legealdia 2020 - 2024)
Beste gonbidatu batzuk
  • Maite Morillo (Legelarien Euskal Kontseiluko presidentea)