Eman odola!
qrcode

Euskal ordezkaritza bat El Salvadorren dago udalerrietan berdintasun arloko esperientziak trukatzeko

2024-05-13
  • Bisita amaituko da ordezkarien parte hartze batekin maiatzaren 17an eta 18an San Salvadorren egingo den foro batean
  • Delegazioa eLankidetzako, Emakundeko et EUDELeko ordezkariek osatzen dute
  • Misioa eLankidetzak babestutako NBE Emakumeak erakundearen lankidetza proiektu baten parte da

eLankidetza-Lankidetzarako eta Elkartasunerako Euskal Agentziako, Emakundeko et EUDELeko ordezkaritza bat, Euskadiko Udalen Elkarteak eta Emakundek bultzatutako tokiko hautetsien sarearekin batera, El Salvadorren parte hartzen ari dira, egunotan, udalerrietan lider diren emakume politikarien eta horien ahalduntzearen esperientzien truke batean. “Emakumeak, parte-hartze politikoa eta boterea. El Salvadorren udal mailako berdintasunerako ibilbide bat eraikiz” lankidetza teknikoko ekimen bat da, eta NBE Emakumeak, El Salvadorreko emakume erregidore, delegatu eta alkateen erakunde nazionalarekin (ANDRYSArekin) batera, bultzatutakoa da, eLankidetzaren babesarekin. 

Euskal delegazioa honako ordezkariek osatzen dute: ‘Virginia Woolf Basqueskola’ sareko Pilar Legarrak, Asteasuko alkateak, e Itziar Carrocerak, Santurtziko Udaleko zinegotziak; eLankidetzako Noemí de la Fuentek, estrategia koordinatzaileak, eta Maite Garmendiak, lankidetza teknikariak; María Sierrak eta Amagoia Arrietak, Emakundeko berdintasun teknikariek; Eukene de Miguelek, EUDELeko berdintasun teknikariak. Emakundeko zuzendaria, Miren Elgarresta, ostegunean hasiko den foroan batuko da modu telematikoan.

Egun hauetan, euskal ordezkaritzak NBE Emakumeak El Salvador eta ANDRYSASekin batera lantegietan parte hartuko du. Gainera, topaketak izango dituzte herrialdeko emakumeen elkarteekin eta bilerak hainbat udalerritako agintariekin eta teknikariekin. Elkartruke horien bidez, Euskadiko eta El Salvadorreko udalerrien jardunbide egokiak gizarteratu nahi dira emakumeen eta gizonen berdintasunerako tokiko plangintzan, eragin politikoan eta emakume liderren eta politikarien prestakuntza prozesuetan.

Esperientzien trukerako foroa 

Bisita bukatzeko, euskal ordezkariek San Salvadorren maiatzaren 17an eta 18an egingo den Esperientzien Trukerako Foroan parte hartuko dute.

Lehenengo egunean, emakumeen aurkako indarkeria politikoaren gaia jorratuko dute. Basqueskolatik, Santurtziko zinegotziak, Itziar Carrocerak, horiek detektatzeko eta prebenitzeko euskal esperientzia partekatuko du.

Era berean, EUDELeko eta Emakundeko teknikariek, Eukene de Miguelek eta Amagoia Arrietak, tokitik eragin politikoa sustatzeko Euskadin izandako esperientziei buruz hitz egingo dute. 

Bigarren egunean, bertaratutakoek aukera izango dute entzuteko parte-hartze politikoa eta formakuntza sustatzen dituzten El Salvadorreko zein Euskadiko esperientziak. Emakundeko zuzendariak, Miren Elgarrestak, telematikoki hitza hartuko du Euskadin emakumeen lidergo eraldatzaileak sustatzeko bultzatzen den lanari buruz aritzeko. Bestalde, Asteasuko alkateak, Pilar Legarrak, emakume politikarien prestakuntzari eta agenda publikoan eraginari buruzko ekimenak partekatuko ditu.

Emakume politikarien arteko lankidetza

eLankidetzak El Salvadorreko NBE Emakumeak-ekin harremana du 2012tik, erakundeari lehenengo dirulaguntza eman zionean. 2017an eta 2023an beste bi dirulaguntza eman ziren, betiere udal-eremuan Berdintasuna eta Eusko Jaurlaritzaren eta El Salvadorren arteko lankidetza teknikoa sustatzeko helburuarekin. Salvadorreko udalerrietan proiektu espezifikoak garatzeaz gain, diruz lagundutako ekimenek Emakunderen eta EUDELen lankidetza izan dute. Horren harira, hainbat bilera egin dira Euskadin eta Amerika Erdiko herrialdean bi lurraldeetako teknikariekin eta politikariekin.

Basqueskolako euskal hautetsiek, Emakunderen eta EUDELen bultzadarekin, El Salvadorrekin lanean ai dira 2019tik, emakume politikarien beste sare batzuekin nazioartea aliantzak egiteko estrategiaren baitan. Zehazki, alkateen eta zinegotzien ahalduntzea eta eragina sustatzen ari da udalen agenda publikoan. Helburua da, Berdintasuna zeharkako ardatz gisa kokatzea herritarrengandik hurbilen dauden politiketan, eta horrek udalerri berdintasunezkoagoetan eta emakumeen aurkako indarkeriarik gabekoetan eragitea.

5 iruzkin
  • Argazkia SN Robot
    @Gizakixxi1
    2024-05-13

    Comentario de Twitter:
    @Gizakixxi1 vía @Irekia
    Una delegación vasca viaja a El Salvador para intercambiar experiencias en materia de igualdad en municipios https://t.co/g1pDN41H6J
    Experiencias en igualdad y trabajo..
    https://t.co/76o7n1sBt4
    #Emakunde #igualdad #ElSalvador

  • Argazkia SN Robot
    @BerdintasunEJGV
    2024-05-13

    Comentario de Twitter:
    🇸🇻 Una delegación vasca viaja a #ElSalvador del 13 al 17 de mayo para intercambiar experiencias en materia de igualdad en municipios

    🟣Integrada por representantes de #eLankidetza, #Emakunde y #EUDEL y como parte de un proyecto de #ONUMujeres

    👉https://t.co/cCZQj2gkRw

  • Argazkia SN Robot
    @BerdintasunEJGV
    2024-05-13

    Comentario de Twitter:
    🇸🇻 Euskal ordezkaritza bat El Salvadorrera joango da maiatzaren 13tik 17ra, udalerrietan berdintasunaren arloko esperientziak trukatzeko

    Igualdad #Municipios #Berdintasuna #Udalerriak 🧵👇1

    👉https://t.co/UrG7TszHFZ https://t.co/P6lDEF6vRX

  • Argazkia SN Robot
    @eLankidetza
    2024-05-13

    Comentario de Twitter:
    El Salvadorren gaude 🇸🇻 @emakundEJGV eta @EUDEL_eus @basqueskola erakundeekin udalerrietan berdintasun arloko esperientziak trukatzeko, @onumujeressv eta @Andrysas_sv erakundeen eskutik.

    #ElkarrekinMunduaEraldatzen🌎

    Info👉🏿https://t.co/O8gdkMCJ3g https://t.co/0ks4irg2eJ

  • Argazkia SN Robot
    @eLankidetza
    2024-05-13

    Comentario de Twitter:
    Viajamos a El Salvador 🇸🇻 con @emakundEJGV
    y @EUDEL_eus @basqueskola para intercambiar experiencias en materia de igualdad en municipios con @onumujeressv y @Andrysas_sv. #JuntasCambiamoselMundo 🌎

    https://t.co/iV9gGKJnRi

Iruzkinak itxita daude dokumentu honetan
Ekitaldiko kargudunak