Berriak Lehendakaritza
qrcode

Lehendakariak baieztatu du euskal industria sareari “ahalik eta ondoen laguntzea” dela erakundeen eginkizuna

2024-04-25
  • Iñigo Urkulluk DANOBAT kooperatibaren Elgoibarko lantegi berria inauguratu du, guztira, 20 milioi euroko inbertsioa egin da lantegi berri honetan
  • “Eskerrik asko gure herriaren izen ona mundu zabalean zabaltzegatik”− adierazi die bertako arduradunei

Lehendakariak ziurtatu du euskal erakundeek argi daukatela euren egitekoa dela “gure industria sareari ahalik eta ondoen laguntzea”. DANOBAT kooperatibaren Elgoibarko lantegi berria inauguratu du Iñigo Urkulluk, ekitaldi honetara Arantxa Tapia Sailburuak lagunduta bertaratu da Lehendakaria; ekitaldi honen baitan, inaugurazioarekin batera, makina-erremintan jarduten duen kooperatiba honen 70. urtemuga ere ospatu dute. Lantegi berriak 12.000 metro koadroko azalera du, eta, orotara, 20 milioi euroko inbertsioa egin da. 

Bertan, kooperatibako arduradunen eta gainerako agintarien aurrean, Lehendakariak bere esker ona adierazi die kooperatibako kideei, jadanik egindako ibilbide luzearengatik eta Euskadiren izen ona mundu osoan hedatzeagatik; era berean, Lehendakariaren ahotan, euskal ekonomia ez da nabarmentzen enpresa oso handiak edo “start-up ugari” izateagatik, bai, ordea, produktu eta zerbitzu berezituak eskaintzen dituzten enpresa ertain ugari edukitzeagatik. “Euren merkatuan liderrak diren enpresak. Isilpeko txapeldunak, besteak beste, DANOBAT”− azaldu du Urkulluk.

Bere mintzaldiaren beste pasarte batean, Lehendakariak baieztatu du erakundeek beti egin dutela industriaren aldeko apustu sendoa, eta industria babesten jarraitzearen alde mintzatu da, “izan ere, gure ongizate-estaturako, ezinbestekoa da industriaren ekarpena”.

Aurrerago, Lehendakaria lankidetza publiko-pribatuaren alde agertu da, bere aburuz, emaitzek erabaki honi eutsi egin behar zaiola baieztatzen dute, argi geratzen ari baita “eredu hau oso eraginkorra dela”.

“Badakigu zenbat eta hobeto joan gure industria-ehunari, zenbat eta emaitza hobeak lortu euskal enpresek, orduan eta hobeto egongo garela denok. Oro har, euskal gizartea hobeto egongo da”− esanez bukatu du Lehendakariak.

2 iruzkin
  • Argazkia Xaver
    2024-04-27

    Kontsumoa handitzeko tentsionamendu posible baterako presta daiteke, eta petrolio-hornidurako arazoak egon daitezke, nazioarteko gatazkak areagotu daitezkeelako, oraindik ehuneko handiagoan deskarbonizatu gabe.

  • Argazkia Xaver
    2024-04-27

    Pudiéndose preparar para un posible tensionamiento de aumentar el consumo y haber problemas de suministro de petróleo al poderse aumentar los conflictos internacionales sin habernos descarbonizado todavía en un porcentaje mayor.

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XII legealdia 2020 - 2024)