Lehendakariak hauteskunde-operatiboan parte hartu duten 12.000 pertsonen lana eskertu du

Iñigo Urkullu lehendakaria Lehendakaritzaren egoitzan dagoen "Emaitzak Aurkezteko Zentrora" joan da gaur goizean, Josu Erkoreka lehendakariorde eta Segurtasuneko sailburua buru duen 2024ko Eusko Legebiltzarrerako Hauteskundeen antolatzaile-taldea agurtzera. Aurrez aurre, eskerrak eman dizkie talde guztiek hauteskunde-prozesuak behar bezala funtziona dezan eta, horrela, herritarrek gaur egun oinarrizko eskubide hori gauzatu ahal izan dezaten egindako lanagatik.

12.000 pertsona inguru daude gaur egun hauteslekuetan eta hauteskunde-datuak bildu, egiaztatu eta prozesatzeko lekuetan:

• 8.085 pertsonak osatzen dituzte hauteskunde-mahaiak.
• 450 herri-administraziokoak dira. Bere lana hauteskunde-eguna eta ondorengo zenbaketa kontrolatzea eta laguntzea da.
• 1.750 artekari, alderdien, koalizioen eta hautesle-elkarteen ordezkari gisa.
• 64 pertsonak osatzen dituzte hauteskunde-batzordeak. Euskadiko Justizia Administrazioan lan egiten duten langileen laguntza izango dute.
• 390 pertsonak osatzen dute informazioa jasotzeko eta herritarrei helarazteko zabaldutako gailu teknikoa, informatikoa zein ikus-entzunezkoa.
• 1.227 agentek osatzen dute eguneko segurtasuna zaintzeko polizia-dispositiboa: Euskadiko 22 ertzain-etxeetako 939 agentek eta Euskadiko 81 udaltzaingoetako 288k.