Berriak Lana eta Enplegua
qrcode

Lanbidek tutoretza-prozesua hasi du, luzaroko langabeek enplegagarritasuna hobetu dezaten

2024-03-27

Lanbide - Enplegu Zerbitzu Publikoa apirilean hasiko da iraupen luzeko langabeei jakinarazten zer profesional egokitu zaien beraien tutoretza- eta laguntza- lanak egiteko. Helburua da langabetu hauen enplegagarritasuna hobetzea. Hori guztia plangintza progresibo baten barruan kokatzen da; eta irailean enplegu-eskatzaile guztiengan ailegatuko da (langabezian egon ala ez).

Joan den abenduan Legebiltzarrak onartu zuen Enpleguaren Euskal Legea ekainaren 26an sartuko da indarrean (hots, Euskal Herriko Agintaritzaren Aldizkarian argitaratu eta sei hilabetera). Legeak ezartzen du Lanbiden izena ematen duten eta hala eskatzen duten guztiek eskubidea dutela enplegagarritasunari buruzko diagnostiko pertsonala jasotzeko. Hala ere, langabezian daudenek automatikoki jasoko dute aipatu diagnostikoa (baldin eta aurreko hemezortzi hilabeteetan plan hori ez badute). Halaber, aurreikusten da diagnostiko hori berrikusi beharko dela pertsona baten langabezi-aldia  hamabi hilabetez luzatzen bada.

Diagnostiko hori abiapuntu, Legeak plan integratu eta pertsonalizatu bat bermatzen du. Planak bi urteko indarraldia izango du, eta urtero berrikusiko da. Horretarako, Lanbidek bermatuko ditu, batetik, adosten diren zerbitzuak eta jarduerak, eta, bestetik, interesdunak prozesu osoan zehar izango duela Lanbideko profesionalaren laguntza (hasieratik esleitu zaiona edo erabiltzaileak erabaki duen erreferentziazko profesionala).

Aurreikusten da prozesu hori Legea indarrean sartu eta bi hilabetera abian jartzea. Horretarako, Lanbiden izena emanda dauden pertsonei erreferentziazko profesional bat esleituko eta jakinaraziko zaie. Hala ere, aurreikusten da prozesua hasi baino lehenago ere arreta emango zaiela langabe gisa inskribatuta daudenei. Eta lehentasuna izango dute profilik ez dutenek edo profila duela urte eta erdi baino lehenago jaso zutenek, antzinatasun handienetik hasita.

Horrela, apiriletik aurrera, Lanbide - Enplegu Zerbitzu Publikoak, SMSen bidez, jakinaraziko die herritarrei zein den norberaren erreferentziazko profesionala (langabezian duten antzinatasunaren arabera). Eta banakako planak diseinatzen hasiko da. Irailean, lana eskatzen duten pertsona guztiek jasoko dute aipatu jakinarazpena (310.000 pertsona baino gehiago). Horietatik, 110.000 pertsona baino gehiago daude langabezian. Eta, hauen artean, 51.037 pertsonek urtebete baino gehiago daramate langabezian; eta 2.901 gaztek, sei hilabete baino gehiago.

 

8 iruzkin
  • Argazkia Xaver
    2024-04-13

    Muga hori izateagatik bazterketarik egon gabe, langileak ez du lortzen putzutik irtetea, lan egin ondoren eskubideak erreklamatzeagatik dirulaguntzak klientelismotzat hartzea, zerrenda beltzean amaitzea eta ez erantzutea.

  • Argazkia Xaver
    2024-04-13

    Sin que quepan exclusiones por tener tal limitación acabe en discriminación la persona trabajadora no consigue salir del pozo como que las subvenciones entendieran de clientelismo por reclamar derechos habiendo trabajado se acabe en la lista negra simplemente ni contestan.

  • Argazkia Xaver
    2024-04-07

    Arlo publiko zein pribatuko mantentze-programetan ere lanak egin daitezke, batez ere instalazioak. Zenbait lekutan hondatuta egon daiteke, eta ez da espero istripu-arriskua etetea. Babes kolektiboari lehentasuna emanez, azken baliabidearen aurrean.

  • Argazkia Xaver
    2024-04-07

    En programas mantenimiento tanto de lo público como privado también puede haber tajo, especialmente instalaciones, se puede ver deterioro en algunas partes no hay que esperar se acabe romper con riesgo de accidentabilidad. Dando prioridad a la protección colectiva frente a la individual último recurso.

  • Argazkia Xaver
    2024-03-28

    Osasun-arazoak dituzten pertsonen prestakuntza hobetzeko plana barne, aurrerapen medikoen ondorioz hobera egin ondoren, merkatura herrenka ez ateratzeko, mundu aldakor batean hasteko, hutsetik ez hasteko eta estigman ez geratzeko.

  • Argazkia Xaver
    2024-03-28

    Incluido plan mejora formación personas con problemas de salud para que una vez se diera una mejoría por avances médicos, no salir con cojera al mercado con ni para empezar en un mundo cambiante, no empezar de cero ni quedar en estigma.

  • Argazkia SN Robot
    @LanDpto
    2024-03-27

    Comentario de Twitter:
    ℹ️ Apirilean, @lanbideejgv -k epe luzeko langabeen enplegagarritasuna hobetzeko profesionalak esleitzen hasiko da.

    📲 Lana eskatzen duten 310.000 pertsona baino gehiagok SMSen bidez jasoko dute norberaren erreferentziazko profesionala.

    🔗 https://t.co/WIdfPX4HnZ https://t.co/LqhXnaLk2O

  • Argazkia SN Robot
    @LanDpto
    2024-03-27

    Comentario de Twitter:
    ℹ️ En abril, @lanbideejgv comenzará a asignar profesionales para mejorar la empleabilidad de las personas en paro de larga duración.

    📲 Más de 310.000 demandantes de empleo recibirán por SMS su profesional de referencia.

    🔗 https://t.co/sEbWqdemE2 https://t.co/dXuEwVP9mE

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XII legealdia 2020 - 2024)