Lehendakaria BERPIZTU Programaren Kontseilu Errektorearen bileraren buru izan da

Iñigo Urkullu Lehendakaria,  Euskadiko ekonomia eta enplegua suspertzeko-BERPIZTU Programaren Kontseilu Errektorearen bileraren buru izan da, gaur eguerdian. Batzarra Lehendakaritzan izan da eta honako hauek ere parte hartu dute bileran: Idoia Mendia Bigarren Lehendakariorde eta Lan eta Enpleguko Sailburuak; Arantxa Tapia Ekonomiaren Garapen, Jasangarritasun eta Ingurumeneko Sailburuak; Pedro Azpiazu, Ekonomia eta Ogasuneko Sailburuak; eta Arabako, Bizkaiko eta Gipuzkoako Ahaldun Nagusiek, Ramiro Gonzalez, Elixabete Etxanobe eta Eider Mendozak, hurrenez hurren.