Tabako Kerik Gabeko Euskadi
qrcode

Enplegu Publikoa Koordinatzeko Euskadiko Batzordeak euskal enplegu publikoaren eredu berri bat ezartzeko erronkari ekin dio

2024-02-29
  • Lehen bileran, organoak esparru berri baten alde lan egiteko helburua ezarri du. Esparru berri horretan, jardunaren ebaluazioa eta karrera profesionala izango dira enplegu publikoko politiken ardatzak
  • Gobernantza Publiko eta Autogobernuko sailburu Olatz Garamendi da batzordeko burua, eta maila instituzional guztietako ordezkariek osatzen dute

Euskadiko Enplegu Publikoa Koordinatzeko Batzordea gaur eratu da bere lehen bilera ofizialean. Gobernantza Publiko eta Autogobernu Sailari atxikitako batzordea da, eta euskal administrazio publikoen enplegu publikoaren arloko koordinazio organo tekniko bezala jardungo du.

Gaurko bilerak organo horren helburu nagusiak finkatzeko balio izan du. Honenbestez, erakunde arteko koordinazioa zainduko du, eta zeregin nagusitzat hartuko du Euskal Autonomia Erkidegoko enplegu publikoko politikak arautzeko eta garatzeko irizpide komunak zehaztea. Euskadin enplegu publikoaren eredu berri bat ezartzea hartu du erronkatzat, eta jardueraren ebaluazioa, karrera profesionala, zuzendaritza publiko profesionala eta datuaren kudeaketa estrategikoa  izango dira enplegu publikoko politika berriak egituratzeko ardatz. Horretaz gain, enplegatu publikoen profesionalizazioan aurrera egiteko azken helburua ere badu.

Batzordearen eskuduntzetako bat da herri-administrazioetako giza baliabideen politikari buruzko esperientziak eta irizpideak trukatzea eta politika zehatzak abiaraztea. Halaber, jardunaren ebaluazioaren arloko irizpideak bateratzea bultzatuko du, euskal enplegatu publikoentzako politika komunak sustatuko ditu, enplegu publikoaren behatoki bat sortuko du eta Euskal Enplegu Publikoaren Legeak edo beste araudi batzuek esleitutako eginkizunak beteko ditu.

Batzordearen buru Gobernantza Publiko eta Autogobernuko sailburu Olatz Garamendi da, eta beste hamaika kide gehiagoz dago osatuta: bost EAEko Administrazioaren ordezkari, hiru lurralde historikoetako Foru Aldundien ordezkari gisa, hiru toki-erakundeen ordezkari gisa eta bat UPV/EHUren ordezkari gisa.

2 iruzkin
  • Argazkia SN Robot
    @garamendiol
    2024-02-29

    Comentario de Twitter:
    ✍🏻 Enplegu publikoko politikak koordinatzeko erakunde arteko organo honen lehen bileran, jardunaren ebaluazioa eta karrera profesionala ekintza-ardatz izango dituen esparru berri baten alde lan egiteko helburua ezarri dugu.

    https://t.co/1r0VnQ9998

  • Argazkia SN Robot
    @garamendiol
    2024-02-29

    Comentario de Twitter:
    ✍🏻 En la 1ª reunión de este órgano interinstitucional de coordinación de las políticas de empleo público, hemos marcado el objetivo de trabajar por un nuevo marco en el que la evaluación del desempeño y la carrera profesional sean nuestros ejes de acción.

    https://t.co/43TIun42FC

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak