Zeinu hizkuntzaren eguna
qrcode

Lehendakariordeak Gizarte Ekonomiako Estatu Idazkaritzari helarazi dizkio euskal gizarte-ekonomiaren agendan aurrera egiten jarraitzeko falta diren gaiak

2024-02-08
  • Besteak beste, langabezia-prestazioaren kapitalizazioaz, partaidetzako sozietateez edo kooperatibez aritu dira

Idoia Mendia Lehendakariorde eta Lan eta Enplegu sailburuak euskal gizarte-ekonomiaren agendan aurrera egiten jarraitzeko zain dauden gaiak azaldu dizkio gaur María Amparo Merino Gizarte Ekonomiako Estatu Idazkaritzari, besteak beste, langabezia-prestazioaren kapitalizazioa, sozietate partaidetuei buruzko legedia eta kooperatibei lotutako gaiak.

Mendia Eusko Jaurlaritzaren Bilboko egoitzan bildu da Gizarte Ekonomiako Estatu Idazkari María Amparo Merinorekin, Gizarte Ekonomiaren eta Enpresen Erantzukizun Sozialaren zuzendari nagusi Aicha Belassirrekin eta Gizarte Ekonomiarako Ordezkari Berezi Víctor Meseguerrekin. Lan eta Enplegu Sailaren izenean, Elena Pérez Barredo Lan eta Gizarte Segurantzako sailburuordeak eta Jokin Díaz Arsuaga Gizarte Ekonomiako zuzendariak parte hartu dute.

2023ko balantzea egiteaz gain, Donostiak Espainiako gizarte-ekonomiaren hiriburua izan zuen "urte bizia", Lehendakariordeak "aurreko legegintzaldia amaitzean Espainiako Gorteetan osatu gabe geratu zen agenda berreskuratu" nahi izan du, eta, zehazki, hiru gai. Lehenengoa, zehaztu duenez, "langabeziagatiko prestazioa kapitalizatzeko aukera da, lan-sozietateak bultzatzeko; izan ere, ASLEk Euskadin defendatzen duen bezala, uste dugu oso bide egokia dela enpresa berriak sustatzeko, langileek horiek gidatu ditzaten".

Aurrekoarekin lotutako beste gai bat da "lege-erreforma, bere garaian Yolanda Díaz lehendakariordeari helarazi niona, partaidetzako sozietateei buruzko legeria aldatzeko, bideragarriak diren enpresak eskualdatzea errazteko, batez ere familiakoak, baina familietan erreleborik ez dutenak eta langileek beren gain har ditzaketenak", azaldu du Mendiak.

Era berean, Lehendakariordeak mahai gainean jarri nahi izan ditu "kooperatibei lotutako gaiak, bai Gizarte Segurantzako kotizazioetara egokitzeko dituzten berezitasunei buruzkoak, bai berdintasun-planen aplikazioari buruzkoak". Gaineratu duenez, "EAEko legegintzaldi honetan hartutako eta landutako konpromisoak dira, Jaurlaritzak gizarte-ekonomiari inoiz eman dion babesik handiena izan baita, eta egiteke dauden berrikuntza eta erreforma horiekin amaitu nahi dugu".

Azkenik, joan den abenduan Espainiako hiriburutzaren amaiera-ekitaldian planteatutako ekimenetako bat ekarri du gogora, "abangoardiako eta berrikuntzako hub bat sortzeko, Europa osorako erreferente izango dena, eta dagoeneko egoitza Euskadin izatea proposatu duguna".

 

 

2 iruzkin
  • Argazkia SN Robot
    @LanDpto
    2024-02-08

    Comentario de Twitter:
    La Vicelehendakari traslada a la Secretaria de Estado de Economía Social los asuntos pendientes para seguir avanzando en la agenda de la economía social vasca.

    #EconomiaSocial @IdoiaMendia @empleogob

    ℹ️ https://t.co/vcAnz2Ja9I https://t.co/8lQUnok7t6

  • Argazkia SN Robot
    @LanDpto
    2024-02-08

    Comentario de Twitter:
    Lehendakariordeak Gizarte Ekonomiako Estatu Idazkaritzari helarazi dizkio euskal gizarte-ekonomiaren agendan aurrera egiten jarraitzeko falta diren gaiak.

    #gizarteekonomia @IdoiaMendia @empleogob

    ℹ️ https://t.co/qDMX2qdzxO https://t.co/fe1I1CSXuJ

Iruzkinak itxita daude dokumentu honetan
Ekitaldiko kargudunak