Larrialdi batean, badakizu nori deitu?
Berriak Ekonomiaren Garapena, Jasangarritasuna eta Ingurumena
qrcode

AKIS foroa sortu da Euskadin, ezagutza eta berrikuntza nekazaritzako elikagaien sektoreari transferitzeko

2024-02-07

Eusko Jaurlaritzako Ekonomiaren Garapen, Jasangarritasun eta Ingurumen Sailak AKIS Foroa abian jarri du gaur Euskadin, nekazaritzako ezagutza eta berrikuntza transferitzeko.

Nekazaritza, Arrantza eta Elikagaien Politikako sailburuorde Bittor Orozek jardunaldia ireki du. Ekitaldia euskal nekazaritzako elikagaien sektoreko eragile nagusien eta ikerketa eta garapen teknologikoko zentroen (NEIKER eta HAZI) arteko topagune izan da. Helburu nagusia izan da ezagutza sektoreko aholkularitzarekin lotura handiena duten eragileei helaraztea, ustiategietako titularren artean zabaltzeko eta haiek inplementatzeko dituzten tresnei buruz gidatzeko.

AKIS foroak (Agricultural Knowledge and Innovation Systems edo Nekazaritzako Ezagutza eta Berrikuntza Sistemak) NPB berriaren eskakizunei erantzuten die, eta jakintzaren sorkuntzaz eta kudeaketaz arduratzen diren erakundeen arteko deskonexioa arintzen du, bai eta sektoreko profesionalak aholkatzen dituztenei ezagutza hori transmititzea ere.

AKIS Europako ekimena 2008an sortu zen nekazaritzako elikagaien arloko erronkei aurre egiteko, gizartearen eskaeretara eta sektorearen erronketara egokitzeko gai izango den sektore lehiakor bat lortze aldera. Euskadin, AKISek helburu propioak eta Eusko Jaurlaritzak aurreikusitako jarduerak ditu nekazaritzako elikagaien katearen garapen egokiaren eta sektorearen jasangarritasunaren alde aurrera egiteko, hala nola bertako produktu osasungarriak sustatzea, klima-aldaketaren aurkako borroka, Europako itun berdea egokitzea, edo ekoizpen-, eraldaketa- eta merkaturatze-prozesuak digitalizatzea.

Erronka horiei erantzuteko, beharrezkoa da ikerketa, esperimentazioa eta ezagutza eskuratzea, eta sektorearen esku uztea, hainbat tresna aplikagarritatik inplementatzeko. Horregatik sortu da foro hau, jarraitzeko eta hobetzeko asmoarekin, Euskadiko AKIS sareko eragile guztien arteko elkarreragina sustatzeko asmoz.

2 iruzkin
  • Argazkia SN Robot
    @BittorOroz
    2024-02-07

    Comentario de Twitter:
    🔬 #AKIS foroa sortu da, nekazaritzako elikagaien arloko eragileen eta ikerketa-zentro teknologikoen arteko topagunea izango dena, ezagutza transmititzeko eta etorkizuneko erronkei erantzuteko, sektore lehiakorra eta jasangarria lortzeko helburuarekin.

    🔗 https://t.co/KlBjFRJXsl https://t.co/eL2aFKniSW

  • Argazkia SN Robot
    @BittorOroz
    2024-02-07

    Comentario de Twitter:
    🔬 Creado el foro #AKIS, que será el punto de encuentro entre agentes del ámbito agroalimentario y centros tecnológicos de investigación, para transmitir el conocimiento y dar respuesta a los retos del futuro con el fin de lograr un sector competitivo.

    🔗 https://t.co/32sFAt8o5N https://t.co/0Txa62UmpO

Iruzkinak itxita daude dokumentu honetan
Ekitaldiko kargudunak
(XII legealdia 2020 - 2024)