Eman odola!
qrcode

Elebidek eta Arartekoak herritarren hizkuntza eskubideen alde lanean jarraitzeko akordioa sinatuko dute (Gobernu Bilera 2024-2-6)

2024-02-06

Gobernu Kontseiluak gaur onartu du Kultura eta Hizkuntza Politika sailaren Elebide-Hizkuntza Eskubideak Bermatzeko Zerbitzuak eta Arartekoak datozen lau urteetarako sinatuko duten akordioa. Bi erakundeek izenpetzen duten bigarren hitzarmena da gaur onartutakoa. Aurrekoa 2013. Urtekoa da.

Akordio honi esker bi erakundeak lankidetzan arituko dira herritarren hizkuntza eskubideen babesean. Elebidek eta Arartekoak sinatuko duten hitzarmena koordinazioan, elkarlanean, eraginkortasunean, elkarrekiko informazioan, elkarlaguntzan eta erakundeen arteko leialtasunean oinarrituko da. Horrela bi erakundeen helburua hizkuntza oinarri duen bazterkeriaren aurrean herritarrak babesteko elkarlana zehaztea eta egonkortzea da eta indarrean dagoen araudiak aitortutako hizkuntza eskubideen babesa sustatuko dute.

Eusko Jaurlaritzako Kultura eta Hizkuntza Politika sailak eta Arartekoak sei hilean behin bidaliko dizkie elkarri iritsi zaizkien kexak eta euskal herri administrazioen jardun eremuan hizkuntzagatik gerta daitezkeen bazterketen edo hizkuntza eskubideen urraketen gainean dituen informazioak. Partekatuko den informazio horrekin azterketa tekniko-juridiko bateratuak egingo dira ondorio komunetara iristeko. Informazio truke horretan ez dira inoiz datu pertsonalak erakunde batetik bestera transmitituko.

Elebidek eta Arartekoak sinatutako akordio berri honi esker hizkuntza-eskubideak sustatzeko eta horien inguruan kontzientziatzeko jarduerak ere antolatuko dira, hala nola, mintegiak, jardunaldiak, kanpainak edota prestakuntza jarduerak.

2 iruzkin
  • Argazkia Xaver
    2024-02-07

    Itzulpenean eta merkataritzan akatsik ez dagoela zainduz, gutxienez tokiko hizkeran eskaintzea, estatu mailako hizkuntza gehiagori lekua eginez.

  • Argazkia Xaver
    2024-02-07

    Cuidando no haya errores en la traducción y el comercio al menos ofrecer en lenguaje local dando cabida a más idiomas incluido del ámbito estatal

Iruzkinak itxita daude dokumentu honetan
Komunikabideek behera kargatzeko