qrcode

Lehendakariak Emakunde Saria eman dio Mariasun Landari, literaturaren bidez berdintasunari egindako ekarpenagatik

2024-02-06
  • Berdintasunerako sailburuak eta Emakundeko zuzendariak goraipatu dute Landak egindako lana sexismoaren aurka eta nesken eta emakumeen ahalduntzearen alde
  • Errekonozimendua berdintasunezko mundu bat irudikatzen laguntzen duten sortzaileei ere zabaldu zaie

 

Iñigo Urkullu Lehendakariak, Nerea Melgosa Berdintasun, Justizia eta Gizarte Politiketako sailburuarekin eta Miren Elgarresta Emakundeko zuzendariarekin batera, Berdintasunerako Emakunde Saria eman dio gaur arratsaldean Mariasun Landa Etxebeste idazleari, neskato, nerabe eta emakumeen berdintasun eta duintasunari egindako ekarpen sortzaileagatik.

Lehendakariak eskerrak eman nahi izan dizkio Mariasun Landari, bereziki, haurrei eta gazteei zuzendutako bere obragatik, honen bidez aukera ematen dielako "mundua ezagutu duten bezala zalantzan jartzeko, galdera berriak egiteko, balioak eta bizi-ereduak transmititzeko".

Urkulluk azpimarratu du beharrezkoa dela "eredu berdinzaleak izatea fikzioan eta bizitzan, mundu hobea, bidezkoagoa, bizigarriagoa eta berdintasunezkoagoa irudikatzeko gai diren emakumeak eta gizonak". Etorkizunera begirako proiekzio horretan kokatu du Lehendakariak atzo Emakundeko Zuzendaritza Kontseiluak onartutako Emakumeen eta Gizonen Berdintasunerako 2030 Estrategia. "Herrialde honek 2030. urteari begira berdintasunaren eremuan iritsi nahi dituen 11 jomuga zehatz zehazten dira. Aurrekontuekin, enpleguarekin, soldata berdintasunarekin, emakumeen aurkako indarkeriarekin, prestakuntzarekin edo berdintasunean heztearekin zerikusia duten xedeak, besteak beste ", zehaztu du Urkulluk.

Ildo horretan, Nerea Melgosa Berdintasun, Justizia eta Gizarte Politiketako sailburuak gogorarazi du Emakunde Sariak hiru hamarkada baino gehiago daramatzala hainbat pertsona, erakunde eta elkartek berdintasunaren alde egindako lana ikusarazten eta baloratzen.

Mariasun Landaren kasuan, literaturaren alorrean egindako lanaz gain, sarituaren ibilbide bikaina goraipatu du sailburuak. "Gaur idazle batek bere literatur ekoizpenaren bidez egindako ekarpenaz gain, emakume batek bere militantzia feministaren bidez gizarteari egindako ekarpena, euskararekiko, irakaskuntzarekiko eta beste dibulgazio-lan batzuekiko konpromisoaren bidez egindako ekarpena ere saritzen ditugu".

Emakundeko zuzendari Miren Elgarrestak epaimahaiaren argudioak gogorarazi ditu Mariasun Landari saria emateko aho batez hartutako erabakian. "Aitzindaria izan da haur-literatura modernoan, emakumeen mundua ulertzeko modu berri bat islatzen duelako. Neska eta nerabeen pertsonaia ausartak eta autonomoak eraiki ditu, sentiberak baina ausartak; mundua ikuspegi harrituarekin baina jarrera kritikoarekin begiratzen duten neskak ".

Elgarrestak gogorarazi duenez, Mariasun Landari emandako Emakunde Sariarekin, "fikziozko munduak eraikitzen dituzten sortzaileen ekarpena" ere aitortu nahi da, "bestelako mundu bat, berdintasunezkoagoa, irudikatzeko aukera ematen digutelako". Beren sorkuntza-prozesua gizarte-eraldaketarako tresnatzat jo du.

Ibilbidea eta sariak

Beste hizkuntzetara gehien itzulitako egileetako den Mariasun Landaren hautagaitza REDAGI Gipuzkoako Emakume Elkarteen Federazioak bermatu du.

Bere militantzia feminista aktiboa nabarmentzen da, 80ko hamarkadaz geroztik Donostiako Emakumeen Asanbladan, Literaturaren Didaktikako Irakasle Titular gisa egindako unibertsitate-irakasle-lanaz gain, dibulgazio-jarduera zabal bati gehitu zitzaion, gaur egungo feminismoaren historian eta genealogian funtsezkoak diren beste emakume batzuen lanari buruzko artikulu, ikastaro eta hitzaldien bitartez.

Mariasun Landaren lan oparoak hainbat literatur sari jaso ditu: Haur eta Gazte Literaturako Lizardi Saria, 1982an; Haur eta Gazte Literaturako Euskadi Saria, 1991n; eta Haur eta Gazte Literaturako Sari Nazionala, 2003an. 2014an, Eusko Ikaskuntza-Laboral Kutxa Humanitate, Kultura, Arte eta Gizarte Zientzien Saria jaso zuen, eta 2016an, Rosalía de Castro Saria. Landa, gainera, Jakiundeko (Zientzia, Arte eta Letren Akademia) kidea da.

8 iruzkin
  • Argazkia SN Robot
    @IdazleElkartea
    2024-02-07

    Comentario de Twitter:
    RT @malan49: Emakunde Sariaren emanaldia gaur
    https://t.co/a4z1AWXZUb https://t.co/a4z1AWXZUb

  • Argazkia SN Robot
    @IdazleElkartea
    2024-02-07

    Comentario de Twitter:
    RT @malan49: Emakunde Sariaren emanaldia gaur
    https://t.co/a4z1AWXZUb https://t.co/a4z1AWXZUb

  • Argazkia SN Robot
    @RevTrabajadora
    2024-02-07

    Comentario de Twitter:
    El Lehendakari entrega el premio Emakunde a la escritora Mariasun Landa por su aportación a la igualdad a través de... https://t.co/tydnnNdPj0

  • Argazkia SN Robot
    @dorletakortazar
    2024-02-06

    Comentario de Twitter:
    RT @malan49: Emakunde Sariaren emanaldia gaur
    https://t.co/a4z1AWXZUb https://t.co/a4z1AWXZUb

  • Argazkia SN Robot
    @dorletakortazar
    2024-02-06

    Comentario de Twitter:
    RT @malan49: Emakunde Sariaren emanaldia gaur
    https://t.co/a4z1AWXZUb https://t.co/a4z1AWXZUb

  • Argazkia SN Robot
    @malan49
    2024-02-06

    Comentario de Twitter:
    Emakunde Sariaren emanaldia gaur
    https://t.co/a4z1AWXZUb https://t.co/a4z1AWXZUb

  • Argazkia SN Robot
    @malan49
    2024-02-06

    Comentario de Twitter:
    Emakunde Sariaren emanaldia gaur
    https://t.co/a4z1AWXZUb https://t.co/a4z1AWXZUb

  • Argazkia SN Robot
    @dorletakortazar
    2024-02-06

    Comentario de Twitter:
    EHko idazle top horien artean, ni. Bizitzak egin didan beste opari eder horietako bat 😍
    https://t.co/tXfyQyDuxS

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak