Hauteskundeak 2024
qrcode

Javier Hurtado sailburuak Euskadin merkataritzaren berrikuntza sustatzeko Mondragon Unibertsitatearekin lankidetzan garatutako programa aurkeztu du

2024-01-30
  • Turismo, Merkataritza eta Kontsumo Sailak Mondragon Unibertsitateko LEINNeko ikasleen eskura jarri du euskal enpresen lehiakortasuna eta nazioarteko proiekzioa bultzatzeko programa

Turismo, Merkataritza eta Kontsumo Sailak eta Mondragon Unibertsitateak Euskadin merkataritzaren berrikuntza bultzatzeko programa bat jarri dute abian. Aurkezpen-ekitaldia gaur egin da Oñatin, Vicente Atxa Mondragon Unibertsitateko errektorearen eta Javier Hurtado Turismo, Merkataritza eta Kontsumoko sailburuaren hitzaldiekin. Programaren garapena berrikuntza, enpresen sorkuntza eta talde ekintzaileen garapena sustatzeko beharretik sortzen da.

Sailburuak gogorarazi du merkataritza oso eremu moldakorra dela ekintzailetzarako eta berrikuntzarako, batez ere ekintzaile gazteentzat, une honetan merkataritzak ingurumen-trantsizio hirukoitzari, soziodemografikoari eta digitalari aurre egin behar baitio. “Zuentzat, online eta offline erosketen arteko mugak askoz ere lausoagoak dira, kanal anitzeko erosketak egiteko gai zarete, ingurune fisiko eta digitalean mugitzeko gai, erraztasun berarekin eta une bakoitzean mugitzen zaituzteten faktoreen arabera. Figital izenez ezagutzen duguna naturala da zuentzat. Hain zuzen ere horregatik, zuen moldakortasunagatik, hurbileko merkataritzak eskaintzen dituen abantailak eta online sistemen edo sistema hibridoen erraztasunak ezagutzen dituzuelako, zuek izan zaitezkete ekintzailerik onenak sektore komertzialean”.

Ekitaldian, sektorearen egoera ere izan da hizpide, ondokoen parte-hartzearekin: Elena Moreno, Eusko Jaurlaritzako Merkataritzako zuzendaria; Gloria Gubianas, Hemper-en CEO eta sortzailea; Mikel Feijoo, SKFKren zuzendari nagusia eta sortzailea; Jon Etxebarria, Baiba-ren sortzailea eta inbertitzailea; eta Iñigo Galdona, Loco Polo-ren sortzaileetako bat.

Ondoren, Oñati, Irun eta Bilboko laborategietako LEINN graduko (Lidergo, Ekintzailetza eta Berrikuntza) 2., 3. eta 4. mailako ikasleen bederatzi proiektuen berri eman da. Proiektu horiek Euskadiko Merkataritza Berrikuntzarako eta Ekintzailetzarako proiektuaren esparruan bultzatzeko jasotako ia hogeita hamar proposamenen artean hautatu dira.

 

Iruzkin bat
  • Argazkia SN Robot
    @MUnibertsitatea
    2024-01-31

    Comentario de Twitter:
    El consejero Javier Hurtado @JHurtadoGV presenta el programa de impulso a la innovación comercial en Euskadi en colaboración con la Universidad de Mondragón. https://t.co/2LRS99Kn82 vía @Irekia

Iruzkinak itxita daude dokumentu honetan
Ekitaldiko kargudunak