Dekretu-proiektua, Ikaskuntzarako Berrikuntza Zentroa sortzea eta haren lanpostuen zerrenda onartzea arautzen duena. Aurretiazko kontsulta publikoa. Ondorioak

Hezkuntza Sailak eskerrak eman nahi ditu Bizkaiko Psikologia Elkargo Ofizialeko Hezkuntza Psikologiako Batzordeak bidalitako ekarpenagatik. Aurkeztutako dekretuari egindako gogoeta aztertu egin da, eta instrukzio-fasea irekitzen denean berriz ere kontuan hartuko da, zehazki, entzunaldiari eta informazio publikoari ekitean

Xedapen Orokorrak Egiteko Prozeduraren ekainaren 30eko 6/2022 Legearen 11.1 artikuluan ezarritakoaren arabera, erregelamendua egin aurretik, aurretiazko kontsulta publikoa egin da. Administrazioaren web-atarien bidez (euskadi.eus eta Irekia), etorkizuneko arauak uki ditzakeen pertsonen eta ordezkaritza-erakundeen iritziak jaso dira.

Esandako izapideak egiteko epea amaituta eta gorago aipatutako izapideen emaitzak balioetsita –gehi beste bide batzuetatik jasotako ekarpenak ere kontutan hartuta-, prozedura izapidetzen jarraituko da, aurreproiektua idatz dadin, zeina aldez aurretik Saileko Sailburuak onartu beharko duen.