Berriak Hezkuntza
qrcode

2024-2025 ikasturterako aurrematrikula: Hezkuntza Sailak otsailaren 7an irekiko du eskaerak aurkezteko epea

2024-01-29
  • Ikasleen eskolatze orekatuagoa sustatzeko helburuarekin iaz abian jarritako neurriek indarrean jarraitzen dute
  • Berritasuna: plaza eskuratuko dute neba edo arrebaren bat matrikulatuta daukaten ikastetxean hasierako maila eskatzen dutenek
  • Eskaerak aurkezteko epea: otsailaren 7tik 23ra arte

Jokin Bildarratz Hezkuntza sailburuak, Begoña Pedrosa sailburuordearekin batera, 2024-25 ikasturterako aurrematrikula prozesua eta kanpaina aurkeztu ditu gaur goizean. Datorren ikasturterako onarpen prozesurako eskaerak aurkezteko epea otsailaren 7an irekiko da. Aurkezpena Barakaldoko Gurutzeta Haur eta Lehen Hezkuntzako ikastetxean egin da, bertan filmatu baita ikastetxe publiko honetako ikasle talde bat protagonista duen aurtengo iragarkia. Sailburuarekin batera, aurkezpenean parte hartu du, halaber, Ikastetxe eta Plangintza zuzendari Eugenio Jimenezek.

2024-2025 ikasturterako onarpen-prozesu berri honek ikasleen eskolatze orekatuagoa sustatzeko helburuarekin iaz abian jarritako berritasun eta neurri sortarekin jarraituko du. Gizarte eta hezkuntza ikuspegietatik hezkuntza-sistema orekatzearen alde egiten duten neurriak dira, eta inklusibotasun-irizpide nabarmena dutenak. Ezartzeko prozesu progresiboa denez, aurten 3 urteko geletarako onarpenera ere hedatu dira neurriok (iaz 2 urteko geletarako aplikatu ziren).

Berritasunak

2024-2025 ikasturterako, onarpen-prozesuak berritasun aipagarri batzuk dakartza. Horietako bat honako hau da: plaza eskuratuko dutela neba-arreba bizikide bat matrikulatuta dagoen ikastetxean hasierako maila eskatzen dutenek (2 urteko gelan, edo, halakorik ezean, 3 urteko gelan). Ikastetxe bakarra duten udalerri edo eragin-eremuetan bizi diren eskatzaileek ere eskuratuko dute plaza, ikastetxe bakar horretarako eskabidea aurkezten badute.

Beste berritasun bat ikastetxe bereko sarrera-mailan bi neba-arrebak edo gehiagok egindako aldi bereko eskaerei buruzkoa da. Kasu horietan, baremoak 6,5 puntu ematen dizkio neba-arreba horietako bakoitzari. Berritasun honek neba-arreba bikien kasuei eragiten die, batez ere.

Joan den ikasturtean abian jarritako neurriek indarrean jarraitzen dute onarpen-prozesu honetan ere. Honako hauek dira esanguratsuenak:

Plazak erreserbatzea: diru publikoarekin sostengatutako ikastetxe guztiek gorde beharko dute Hezkuntza Sailak zehaztutako plaza kopurua, ikasle zaurgarriak eskolatzeko. Aniztasunaren eta zaurgarritasunaren banaketa orekatua bilatzen du neurri honek, ikasleak arrazoi sozioekonomikoengatik edo beste mota batekoengatik segregatzea saihesteko.

Zaurgarritasun Indizea ezartzea. Eskaerak aurkezterakoan familiek betetzen duten inkesta aintzat hartuta, ikasleen ze portzentaje hartuko den zaurgarritzat definituko da.   Bildutako informazioarekin definituko da zein ikasle hartuko diren zaurgarritzat. Era honetan, zona bakoitzerako Zaurgarritasun Indize erreferentziala zehazten da, ikastetxe bakoitzean ikasle zaurgarrientzat erreserbatu beharreko plaza kopuruarekin batera. Helburua: eragin-eremu bateko ikastetxe guztiak eremu horretako zaurgarritasun indizera hurbiltzea.

Ikastetxe kopuru mugagabea eskaera bakoitzeko. Familia bakoitzak bere eragin-eremuko ikastetxe guztiak hautatu ditzake seme-alabak eskolatzeko, edo beste eremu batzuetakoak, mugakideak izan edo ez, kopuru-mugarik gabe, egokitzat jotzen dituzten hezkuntza-baldintzak betetzen dituztenen artean. Beren interesen araberako hurrenkeran lehenetsiko dituzte. Onarpen-prozesua ikasle bakoitzari familiak lehenetsitako ikastetxea eskaintzen saiatzen da da, eta hautatutakoetan eskolatzeko aukerarik ez balego bakarrik eskainiko litzateke beste ikastetxe bat, markatutako ezaugarriak izango lituzkeena eta ikaslearen bizilekutik hurbil legokeena. Horregatik, oso garrantzitsua da familiek ahalik eta ikastetxe gehien hautatzea, dagokien ikastetxea ahalik eta gehien egokitu dadin euren interesetara.

Hurbileko eskolatzea. Baremoko irizpideetan puntuaziorik handiena etxebizitzaren hurbiltasunagatik jaso daiteke. Puntuaziorik handiena eskuratuko da aukeratutako ikastetxea familiaren bizilekutik hurbilen dagoen ikastetxea (publiko zein itunpekoa) den kasuetan, beti ere eragin-eremuaren barruan: 7 puntu. Eremuko beste edozein ikastetxek –baina ez bizilekutik hurbilen dagoenak- 5 puntu eskuratuko ditu. Eragin-eremu berberaren barnean hurbiltasuna saritzen duen neurria da. Hurbileko eskolatzea bultzatzea da helburua.

Era berean, bizilekuaren hurbiltasunari buruzko puntuazioan beste egoera berri bat ere aurreikusi da: eskatutako ikastetxea (publikoa zein pribatu itundua) ikaslearen bizilekutik hurbilen dagoena izatea, baina ez eragin-eremuaren barnean kokatua, baizik eta eragin-eremu mugakide batean. Egoera honek 5 puntu ditu baremoan.

Aipaturiko baremo-irizpideen artean –eskaintzen diren plazak baino eskaera gehiago dituzten kasuetan aplikatzen da–, nobedade nagusia neba-arreba bikiei ematen zaien puntuazioan dago (6,5 puntu), gorago adierazi bezala.

“Zatoz argazkira”

Aurkezpen ekitaldian, 2024-2025 ikasturterako kartela eta spota aurkeztu ditu Bildarratz sailburuak. Barakaldoko Gurutzeta Haur eta Lehen Hezkuntzako Ikastetxeko neska-mutilak dira bertan protagonista, prentsaurrekoa egin den eskolakoak. Spotean zein kartelean 5. B gelako ikasleak ikus ditzakegu, irakaslea lagun dutela, taldeko argazkia egiten ari diren unean. Hortik aurtengo leloa, “Zatoz argazkira”.

Ohikoa denez, eskaerak aurkezteko bi bide ipiniko ditu Hezkuntza Sailak familien esku: online burutu ahal izango da prozesu guztia, dokumentazioa aurkeztea barne, Hezkuntza Sailaren webgunearen bidez (www.euskadi.eus/hezkuntza); baina aurrez aurre ere egin ahal izango da, lehen aukeratzat markatu den ikastetxean (idazkaritza ordutegian).

Kontuan izan beharreko egutegia:

  • otsailaren 7tik 23ra: eskabideak eta agiriak aurkezteko epea

Online edo aurrez aurre ikastetxean (idazkaritza ordutegian)

  • martxoak 12: eskatzaileen zerrendak argitaratuko dira
  • martxoak 26: behin-behineko zerrendak argitaratuko dira. Apirilaren 10era arte erreklamazioak egiteko epea.
  • apirilak 26: behin betiko zerrendak argitaratuko dira. Errekurtsoak aurkezteko epea, maiatzaren 30era arte.
2 iruzkin
  • Argazkia neri
    2024-02-21

    Desaparición modelo D en instituto Artaza Romo: Trasladamos la queja tras la visita de puertas abiertas realizada el pasado martes 30 de enero al Instituto Artaza-Romo, centro que le corresponde tras finalizar en Septiembre de 2024 la Educación Primaria en el CEP Romo. Cual es nuestra sorpresa cuando preguntamos por el modelo impartido y al que nosotros queremos matricular a nuestro hijo, modelo D y que lleva cursando desde los 2 años, cuando no nos niegan que se esté mezclando a los alumnos generando un modelo B D. Traslado mi total disconformidad y que no me parece sea "legal" ni hacerlo cuando en mi solicitud de matricula el modelo que vayamos a elegir sea el D, y estén haciendo esta mezcla, según ellos, para mejorar el nivel de los alumnos que vienen del modelo D y sea más cooperativo. Les traslado que como centro público deben tener la oferta de modelo D, y que vemos que en lugar de incentivar y potenciar el euskera, eso no es así. Así mismo, sabemos del desconocimiento de padres que este año sus hijos han comenzado 1º de la ESO en este centro, con matricula en modelo D, y se han dado cuenta que no está siendo así. Que mezclan a sus hijos impartiendo materias en castellano porque los dichos alumnos de modelo B no son capaces de continuar las clases en euskera y la misma situación se da en los exámenes, poniéndoles las preguntas en castellano también. Todo esto nos hace plantearnos una continuidad para el próximo en dicho centro que por cercanía y porque creemos en la escuela pública, se vea con una dudas teniendo que ver otros centros con el coste que ello supone.
    Es por ello que trasladamos nuestra queja de la forma más ALTA, primero por el ocultamiento de esta información por parte del centro, no se comenta en la presentación del centro en ningún momento si no llega a ser porque lo preguntamos, y segundo, por no ofrecer una educación íntegra en euskera por la que hemos apostado toda nuestra vida para nuestros hijos como es el modelo D. Trasladar también que parece ser que este sistema también se está dando en CEP Romo implicando a nuestros hijos a una pérdida del idioma euskera en cuanto a nivel y calidad de todo lo que habían recibido hasta ahora. Es por ello que si no se modifica este sistema pudiendo ofrecer como ha sido siempre el modelo B y D en su sentido estricto a los alumnos que así les matriculen, procederemos a hacer nuestra queja extensiva a todos los medios de comunicación. Referente a queja 2024/002959

  • Argazkia SN Robot
    @Eiderberazadi
    2024-01-29

    Comentario de Twitter:
    @Kaletrosa Txalokiña eta gilda zor dizkiñat.
    https://t.co/6wQtDes5XS

Iruzkinak itxita daude dokumentu honetan
Ekitaldiko kargudunak