Hauteskundeak 2024
qrcode

Mendia Lehendakariordeak zainketen profesionalizazioa eta espezializazioa eskatu du zahartzaro duin eta oso baterako

2024-01-18
  • Herritarren zahartzeak kalitatezko enplegu-aukeren bidea irekitzen duela ziurtatu du.

Idoia Mendia Lehendakariorde eta Lan eta Enpleguko sailburuak gaur eskatu du zaintzen sektorea profesionalizatzea eta espezializatzea, "zahartzaro duin eta osoa" lortzeko, eta, aldi berean, ziurtatu du zahartzeak "kalitatezko enplegua sortzeko aukera-bide bat" irekitzen duela, urteak betetzean sortzen diren premia berriei esker.

Mendiak "Más 60 Activos. Bizitzaren erronkak eta onurak 60 urtetik aurrera" foroan pare hartu du Gasteizko Europa Kongresu Jauregian. Bertan, zuzentzen duen sailak bizitza-luzeraren eta zaintzen erronkari aurre egiteko abian jarritako politikak ezagutarazi ditu. Ekitaldian izan dira Alfonso Gurpegui Enplegu eta Gizarteratzeko sailburuordea, Raimundo Ruiz Escudero Gasteizko Udaleko Gizarte Politiketako zinegotzia eta Ramiro González Arabako diputatu nagusia.

Mendiak bere hitzaldiaren hasieran gogorarazi du Euskadin “biztanleriaren laurdenak 65 urte baino gehiago dituela eta gehien-gehienek ez dutela zaintzarik behar, baizik eta erretiroaren ondoren batez beste bizi diren hiru hamarkadak erabat bizi izatea ". Ildo horretan, honako hau ziurtatu du: "urteak betetzea eskubide konkistatua da, osasunarena, eta pentsio publikoak diru-sarrera duinak izateko eskubide bermatua; beraz, irabazten den urte horietako guztiak bizitza osokoak izatea da burutzeko eskubidea".

"Askotan konturatzen gara zahartzea arazoa dela, eta ez da hala; errealitate horri irtenbideak eman behar zaizkio, eta irtenbide horiek kalitatezko enplegu-aukerak dira", gaineratu du: zaintza profesionalak bermatzen dituzten enpleguak, zerbitzuen espezializazioa, profil berriak lan-eremuan sortzen diren premia berrietarako. Hori dela eta, zuzentzen duen Sailak abian jarri zuen lehen proiektu berritzailea Zainlab izan zen. Ekimen horren bidez, erronka demografikoari modu integralean heldu zitzaion, "bizitzaren etapa honetan arreta emango duten profesionalak" lortzeko.

Lehendakariordeak gogorarazi du Zainlab proiektuak tresnak eman dituela zainketak profesionalak izan daitezen eta lan-baldintzak duinagoak izan daitezen. "Bestelako prestakuntza-metodologia bat garatu dugu, zaintzen dihardutenek zailtasunak dituztelako Lanbide-Enplegu Zerbitzu Publikoan eskaintzen dugun prestakuntza arrunterako, eta, gehiegitan, oinarrizko ezagutzarik ere ez dutelako, etxeko langile gisa sartu direlako. Horregatik, arlo publikotik online prestakuntza eman genien, eta haien egun librean, larunbat arratsaldeetan, aurrez aurre ". Horri esker, hirurogei emakume, gehienak migratzaileak, prestatu dira artatzen dituztenei zerbitzu hobea emateko; izan ere, hain arrakastatsua izan da prestakuntza hori ezen Lanbideren eskaintza iraunkorrean sartu baita dagoeneko, eta jada egoitzetan lan egiten dutenei irekiko zaie.

"Horrela ari gara bizitza luzea ulertzeko modu bati buelta ematen: Begirada errukiorretik enplegu-aukerei lotutako eskubideetara jauzi egitea”, amaitu du.

2 iruzkin
  • Argazkia SN Robot
    @LanDpto
    2024-01-18

    Comentario de Twitter:
    La Vicelehendakari @IdoiaMendia apela a la profesionalización y la especialización de los cuidados para una vejez digna y plena.

    🗣"El envejecimiento de la población abre un camino de oportunidades de empleo de calidad".

    @elcorreo_alava @GurpeguiA

    🔗https://t.co/ucWITfrPmQ https://t.co/At8OP85xiF

  • Argazkia SN Robot
    @LanDpto
    2024-01-18

    Comentario de Twitter:
    Mendia Lehendakariordeak zainketen profesionalizazioa eta espezializazioa eskatu du zahartzaro duin eta oso baterako

    🗣 “Herritarren zahartzeak kalitatezko enplegu-aukeren bidea irekitzen du”, ziurtatu du Gasteizen egindako "Más 60 Activa" foroan.

    🔗https://t.co/cmo5ollr2s https://t.co/DYWAEaAvI9

Iruzkinak itxita daude dokumentu honetan
Ekitaldiko kargudunak