Hauteskundeak 2024
qrcode

Mendia Lehendakariordeak esan du Lanbide arteko soldataren igoera “oso ondo datorkiola Euskadiri”, nahiz eta patronalaren eta sindikatuen akordioz hobetu daitekeen

2024-01-12

Lehendakariorde eta Lan eta Enpleguko sailburu Idoia Mendiak ostiral honetan defendatu duenez, Espainia osorako Lanbide arteko Gutxieneko Soldataren igoera "oso ondo datorkio Euskadiri", hitzarmenik gabeko pertsonei eta, batez ere, emakume eta gazteei, nahiz eta gogorarazi duen hobetu daitekeela "akordio bidez, Eusko Jaurlaritzak ez duelako eskumenik" euskal enpresaburuen eta sindikatuen erakundeen artean, Lanbide arteko Akordioaren esparruan.

Radio Euskadiko Boulevard-en egindako elkarrizketa batean, Mendiak, Europak Europako gutxieneko soldata lortzeko lanetan aurrera egitearen alde, azaldu du LGSa igotzeak enplegua suntsitzen duela "mitoa dela egiaztatu da"; izan ere, frogatu da bost urteko % 47ko hazkundearekin batera lanean eta kotizatzen ari diren pertsonen kopurua handitu egin dela, inoiz ez bezala. Datu horiek, gaineratu duenez, gobernuek une txarrenetan enpresei eta langileei eman dieten babesaren eta 2022tik indarrean dagoen lan-erreformaren emaitza dira.

Kongresuan joan den asteazkenean onartu ez ziren hitzarmen autonomikoen prebalentziari dagokionez, Lehendakariordeak uste du lege-aldaketa hori txertatuko dela. Hala ere, gogorarazi du Euskadiko enpresa- eta sindikatu-erakundeek 2017an sinatu zuten Lanbide arteko Akordioak Euskadiko akordioak lortzeko bidean aurrera egitea ahalbidetzen duela.

Idoia Mendiak nabarmendu nahi izan du, nolanahi ere, Kongresuko bozketa horretan bertan lortu dela Pedro Sánchez presidenteak legegintzaldian hartutako Europako konpromisoak eta gizarte-neurriak aurrera ateratzea. Neurri eta konpromiso horiei esker, garraioaren hobariak, energia-prezioen eta BEZaren mugak oinarrizko produktuetan, pentsioen igoera eta 10.000 milioi euroko Europako funtsak lor daitezke.

Lan eta Enplegu Sailari dagokionez, Lehendakariordeak balantze ona egin du, hartutako konpromiso guztiak bete baitira, politikak eraldatzea eta etorkizuneko erronkei erantzuteko oinarriak ezartzea ahalbidetu dutenak.

2 iruzkin
  • Argazkia SN Robot
    @LanDpto
    2024-01-12

    Comentario de Twitter:
    🎙️Mendia Lehendakariordeak esan du Lanbide arteko soldataren igoera “oso ondo datorkiola Euskadiri”, nahiz eta patronalaren eta sindikatuen akordioz hobetu daitekeen.

    🔗https://t.co/eAxnv8gPDm

    @IdoiaMendia @Boulevardeitb @Irekia

  • Argazkia SN Robot
    @LanDpto
    2024-01-12

    Comentario de Twitter:
    🎙️La Vicelehendakari Mendia afirma que la subida del #SMI “le viene muy bien a #Euskadi” aunque se pueda mejorar por acuerdo de patronal y sindicatos.

    🔗https://t.co/i1SH76yBo9

    @IdoiaMendia @Boulevardeitb @Irekia https://t.co/IJUHRSumhj

Iruzkinak itxita daude dokumentu honetan
Ekitaldiko kargudunak