Hauteskundeak 2024
qrcode

Iñigo Lekuek eta Iker Muniainek Bizkaiko Espetxeko hogeita hamar presori talde lanaren eta ahaleginaren balioak erakutsi dizkiete, Athletic Club Fundazioaren hitzaldi batean

2023-12-27
  • Espetxean garatutako Walking Football programan parte hartzen duten askatasunik gabeko pertsonekin egin da topaketa gaur arratsaldean
  • Gizonezkoen lehen plantillako bi jokalariek esperientzia pertsonalak partekatu dituzte, eta presoen galderei erantzun diete
  • “Bigarren aukerak existitzen dira eta zuek zuena izan dezakezue. Entzun zer esaten dizueten sendotasun fisikoa, baina baita mentala ere, lantzen duten pertsonek”, esan du Nerea Melgosa sailburuak
  • “Kirola eta, zehatzago, futbola ere tresna sozial eta terapeutiko ahaltsua da; Athletic Clubek, Fundazioarekin batera, Bidesari bezalako erakundeei beren ekarpena egiteko erabiltzen duten tresna da”, adierazi du Athletic Clubeko Gizarte Arloko zuzendariak, Johana Ruiz-Olabuenaga

Basauri, 2023/12/27

Iñigo Lekue eta Iker Muniain Bizkaiko espetxean izan dira gaur. Athletic Clubeko gizonezkoen lehen plantillako bi jokalariek Walking Football programan parte hartzen duten 30 bat presorekin elkartu dira gaur arratsaldean. Programa hori Athletic Club Fundazioak eta Bidesari gizarte-entitateak bultzatu dute Bizkaiko zentroan.

Ekitaldian izan dira Nerea Melgosa Eusko Jaurlaritzako Berdintasun, Justizia eta Gizarte Politiketako sailburua, Vicenta Alonso espetxeko zuzendaria eta Javier Landeta, Euskadiko Futbol Federazioko presidentea eta Eusko Jaurlaritzako Justizia Digitaleko eta Azpiegituretako zuzendaria. Athletic Club Fundazioaren aldetik, bi jokalariez gain, Johana Ruiz-Olabuenaga klubeko Gizarte Arloko zuzendaria eta Josetxu Urrutia bertaratu dira.

Ordubete inguru, espetxeko kirol-programan parte hartzen duten presoek jokalariekin elkarreraginean aritu ahal izan dira, eta entrenamenduez, Ligako lehiaketaz eta eliteko futbolari gisa izan dituzten esperientzia pertsonalez galdetu diete.

Bai Lekuek, bai Muniainek azaldu diete nolakoa den beren egunerokoa, zer arazori aurre egin behar izan dieten Lehen Mailara iristeko, eta, batez ere, jokatuz eta taldean lan eginez irabazten diren balioak azaldu dituzte.

Nerea Melgosa sailburuak eskerrak eman dizkie jokalariei eta Athletic Club Fundazioari hitzaldi honetan parte hartzeagatik, askatasunik gabeko pertsonentzat diseinatutako kirol eta garapen pertsonaleko programa indartzen duelako. “Bigarren aukerak existitzen dira eta zuek zuena izan dezakezue. Entzun zer esaten dizueten pertsona horiek, sendotasun fisikoa lantzen baitute, baina baita mentala ere”, esan die Nerea Melgosak bertaratutakoei.

Sailburuak balioa eman dio espetxeetan egiten den eguneroko lanari, kirol-entrenamenduekin paralelismoa eginez. “Hemen gainditzearen jokaldiak egunero entrenatzen ditugu. Prestakuntza, jarduera eta tailer bakoitza helburu horrekin pentsatuta daude. Badakigu kalera itzultzen zaretenean hainbat ezbehar aurkituko dituzuela. Baina hor izango da, hain zuzen ere, ikasitakoa aplikatzeko garaia. Horretarako egiten dituzue ahaleginak orain. Talde osoak gol bat sartzeko”, esan du sailburuak.

Bukatutakoan, Melgosak “aukeraz betetako 2024ª” opa die barneratuei; “baduzue gure laguntza, gainerakoa zuen esku dago”.

Johana Ruiz-Olabuenagak, bere aldetik, “kirola eta, zehazkiago, futbola” nabarmendu ditu, “Fundazioak erabiltzen duen tresna sozial eta terapeutiko gisa, Bidesari bezalako erakundeei laguntzeko. Osasunerako duen garrantziaz gain, taldeko kirolak balio oso positiboak sustatzen ditu norberaren errekuperaziorako eta gizarteratzeko”, ondorioztatu du.

2 iruzkin
  • Argazkia SN Robot
    @BerdintasunEJGV
    2023-12-27

    Comentario de Twitter:
    Euskal espetxeetan egunero entrenatzen dugu ezbeharrei golak satzeko.

    👉 https://t.co/RMCUmHGzoq

  • Argazkia SN Robot
    @BerdintasunEJGV
    2023-12-27

    Comentario de Twitter:
    En los centros penitenciarios vascos entrenamos cada día para golear a las adversidades.

    👉 https://t.co/q9GJqoFYGl

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
Beste gonbidatu batzuk
  • Johana Ruiz-Olabuenaga; Josetxu Urrutia; Iñigo Lekue eta Iker Muniain