Berriak Lehendakaritza
Eu

Vitoria-Gasteiz European Green Capital 2012, “aukera” bat Euskadirentzat

2012.eko otsailak 07

Lehendakariaren arabera, Gasteiz “Euskadi Europarentzat iraunkortasun-eredu bihurtzeko lehen urrats bat da”

Lehendakariak azaldu du Euskadi “Europarentzat eredu berde” bihurtzea nahi duela. Halaber, Patxi Lópezen hitzetan, “terrorismoaren zama astuna alde batera utzi dugu, eta atzerrian hori zen guri buruzko erreferentzia nagusia pertsona askorentzat; orain, ordea, euskal herritarrok gure dohainengatik ezagunak izateko eta gure potentzialtasunak garatzeko aukera dugu”.  Horrez gain esan du Gasteiz Europako Hiriburu Berde izatea “Euskadi Europarentzat iraunkortasun-eredu bihurtzeko lehen urratsa eta abangoardia” dela.

Gasteiz gaur bihurtu da ofizialki Europako 2012ko Hiriburu Berde. Gasteizko herritarrek eta erakundeek egin duten ahaleginari esker lortu da, eta “Gasteiz ezagutzera emateko aukera bat da, kanpoko jendea nahiz hemengoa hiri hau ezagutzera eta gozatzera etor dadin”, esan du lehendakariak.

Europako 2012ko Hiriburu Berdearen urteari hasiera eman dion ekitaldia Sofía Espainiako Erreginak zuzendu du, eta bertan izan dira Patxi López lehendakaria, Miguel Arias Cañete Ingurumen ministroa, Javier de Andrés Arabako diputatu nagusia, Arantxa Quiroga Eusko Legebiltzarraren burua, Javier Maroto Gasteizko alkatea eta Karl Falkemberg Europar Batasunaren zuzendari nagusia. Ekitaldia Arabaren hiriburuko Montehermoso Jauregian egin da.

Lehendakariak esan du Europako hiriburu izatea “iraunkortasunarekiko konpromisoaren aintzatespena” dela, eta konpromiso horrek, hainbat udal eta herritarrak barne hartuz, garapen iraunkorra sustatu du.

2 iruzkin
  • @eocenico
    2012.eko otsailak 08

    Comentario de Twitter:
    Vitoria-Gasteiz European Green Capital 2012, una "oportunidad" para Euskadi http://t.co/syS2cyol

  • @IRENAZVITORIA
    2012.eko otsailak 07

    Comentario de Twitter:
    RT @irekia_news: Vitoria-Gasteiz European Green Capital 2012, una oportunidad para Euskadi. http://t.co/tfo7wKCP

Iruzkinak itxita daude dokumentu honetan
Ekitaldiko kargudunak
(IX legealdia 2009 - 2012)
  • Bernabé Unda
    Industria, Berrikuntza, Merkataritza eta Turismoko sailburua (IX legealdia)
  • Pilar Unzalu
    Ingurumen, Lurralde Plangintza, Nekazaritza eta Arrantzako sailburua (IX legealdia)
  • Patxi López
    Lehendakaria (IX legealdia)